અંબાજી મહામેળામાં હાઇટેક સુરક્ષા: AI ફેસ રેકગ્નિશન અને ૬૦૦+ CCTV થી ચુસ્ત બંદોબસ્ત..

અંબાજી ખાતે યોજાનાર ભવ્ય મેળાને ધ્યાનમાં રાખીને, રાજ્ય સરકાર દ્વારા 'વિશ્વાસ' પ્રોજેક્ટ હેઠળ અદ્યતન સુરક્ષા વ્યવસ્થા ગોઠવવામાં આવી છે.આ પ્રોજેક્ટ અંતર્ગત આર્ટિફિશિયલ ઇન્ટેલિજન્સ (AI) આધારિત ફેસ રેકગ્નિશન ટેકનોલોજીનો ઉપયોગ કરવામાં આવી રહ્યો છે,જે મેળા દરમિયાન કોઈપણ અજાણી વ્યક્તિ કે શંકાસ્પદ ગતિવિધિઓ પર નજર રાખવામાં મદદરૂપ થશે.આ ઉપરાંત સમગ્ર અંબાજી મંદિર પરિસર અને ગબ્બર વિસ્તારમાં ૬૦૦ થી વધુ હાઇ-રિઝોલ્યુશન સીસીટીવી કેમેરા સ્થાપવામાં આવ્યા છે. આ કેમેરા દ્વારા સતત દેખરેખ રાખવામાં આવશે, જેનાથી કોઈપણ અનિચ્છનીય ઘટનાને તાત્કાલિક અટકાવી શકાશે.બનાસકાંઠા પોલીસ દ્વારા આ ટેકનોલોજીનો ઉપયોગ કરીને શ્રદ્ધાળુઓ માટે દર્શન પ્રક્રિયાને વધુ સુગમ અને સુરક્ષિત બનાવવામાં આવી રહી છે..

પોલીસ વિભાગની સતર્કતા અને આધુનિક ટેકનોલોજીના સમન્વયથી, અંબાજી મેળામાં આવનાર લાખો શ્રદ્ધાળુઓને સુરક્ષિત વાતાવરણ પૂરું પાડવાનો પ્રયાસ કરવામાં આવી રહ્યો છે. આ હાઇટેક સુરક્ષા કવચ મેળાની વ્યવસ્થાને વધુ મજબૂત બનાવશે અને શ્રદ્ધાળુઓને શાંતિપૂર્ણ રીતે ધાર્મિક વિધિઓ સંપન્ન કરવામાં મદદરૂપ થશે.