અમદાવાદ એરપોર્ટ પર બેંગકોકથી આવેલા યુવક પાસેથી 973 ગ્રામ ગાંજો ઝડપાયો

અમદાવાદ એરપોર્ટ પર બેંગકોકથી આવતી ફ્લાઇટમાં સુરતના એક યુવક પાસેથી મોટી માત્રામાં ગાંજો મળી આવ્યો છે. આંતરરાષ્ટ્રીય બજારમાં એક કિલો ગાંજાની કિંમત 1 કરોડ રૂપિયા આંકવામાં આવે છે, ત્યારે પકડાયેલા 973 ગ્રામ ગાંજાની કિંમત 90 લાખ રૂપિયાથી વધુ થાય છે. આ જથ્થા સાથે મુસાફરની ધરપકડ કરવામાં આવી છે.

APIS પ્રોફાઇલિંગના આધારે, અમદાવાદ કસ્ટમ્સના એર ઇન્ટેલિજન્સ યુનિટ (AIU) ના અધિકારીઓએ આ કાર્યવાહી કરી હતી. તેમણે સુરતના રહેવાસી એવા એક પુરુષ મુસાફરને અટકાવ્યો હતો.

આ મુસાફર 29 સપ્ટેમ્બરના રોજ ફ્લાઇટ નંબર TG 343 દ્વારા બેંગકોકથી અમદાવાદ આવ્યા હતા. અધિકારીઓએ તેમની પાસેથી 973 ગ્રામ ગાંજો ઝડપી પાડ્યો હતો અને કાયદેસરની કાર્યવાહી હાથ ધરી હતી.