ડોલરને બાયપાસ કરી ભારત-રશિયાનો મોટો નિર્ણય! 96% વેપાર હવે રૂપિયા અને રૂબલમાં

ભારત અને રશિયાએ વેપારમાં ડોલર પરની નિર્ભરતા ઘટાડી, સ્થાનિક ચલણનો ઉપયોગ વધાર્યો છે. બંને દેશો વચ્ચેનું લગભગ 96 ટકા વેપાર રૂપિયા‑રૂબલમાં સેટલ થાય છે, જેના કારણે વિનિમય જોખમ અને ખર્ચમાં નોંધપાત્ર ઘટાડો થયો છે.

પેમેન્ટ સિસ્ટમને મજબૂત બનાવવા માટે ઇન્ફ્રાસ્ટ્રક્ચર તૈયાર કરવામાં આવ્યું છે. રશિયાની 22 અને ભારતની 17 બેંકો સ્થાનિક કરન્સી ટ્રેડ મિકેનિઝમમાં જોડાઈ છે, અને રશિયાની મોટી બેંક Sberbank પેમેન્ટ સિસ્ટમ વિકાસમાં મુખ્ય ભૂમિકા ભજવી રહી છે.

2022 પછી ભારત‑રશિયા વેપારમાં તેજી આવી, ખાસ કરીને રશિયન ક્રૂડ ઓઈલની ખરીદીને કારણે. 2024માં કુલ વેપાર $70 અબજ સુધી પહોંચ્યો, જેમાં ભારતની રશિયાને નિકાસ $4.88 અબજ અને આયાત $55.36 અબજ રહી.

યુ.એસ.ના દબાણ વચ્ચે બંને દેશોએ આ વ્યવસ્થા મજબૂત કરી છે, જેથી વેપારમાં ડોલર પરની નિર્ભરતા ઘટી અને આર્થિક સહકાર વધુ મજબૂત બન્યો છે.