શામળાજીથી 9 નવી બસ સેવાનો શુભારંભ: આદિવાસી વિદ્યાર્થીઓના શિક્ષણને મળશે વેગ

શામળાજી ખાતે ભગવાન બિરસા મુંડા જનજાતીય ગૌરવ પરિવહન યોજના અંતર્ગત 9 નવી બસ સેવાઓનો શુભારંભ કરાવવામાં આવ્યો. ધારાસભ્ય શ્રી પી સી બરંડા સાહેબે લીલી ઝંડી આપી બસોને પ્રસ્થાન કરાવ્યું હતું.

આ યોજનાનો મુખ્ય ઉદ્દેશ્ય અંતરિયાળ અને દુર્ગમ આદિવાસી વિસ્તારોમાં રહેતા વિદ્યાર્થીઓને શાળા અને કોલેજ સુધી સુરક્ષિત, સમયસર અને સરળ પરિવહન સુવિધા પૂરી પાડવાનો છે. તેનાથી શિક્ષણ સુધી તેમની પહોંચ વધુ મજબૂત બનશે.

આ જનકલ્યાણકારી પહેલથી શિક્ષણમાં વિદ્યાર્થીઓની નિયમિત હાજરી વધશે, ડ્રોપઆઉટ દરમાં ઘટાડો થશે અને આદિવાસી સમાજના યુવાનોના ઉજ્જવળ ભવિષ્યને નવી દિશા મળશે. બસોમાં GPS આધારિત મોનિટરિંગ જેવી સુવિધાઓ પણ ઉપલબ્ધ છે.

માનનીય વડાપ્રધાન શ્રી Narendra Modi સાહેબના માર્ગદર્શન અને માનનીય મુખ્યમંત્રી શ્રી Bhupendra Patel સાહેબના નેતૃત્વ હેઠળ ગુજરાત સરકાર શિક્ષણ અને જનકલ્યાણ માટે સતત પ્રતિબદ્ધ છે.