રાજુલાના વિક્ટર ગામે જાહેર રસ્તા પર જુગાર રમતા 9 શખ્સો રૂ. 17,590 ના મુદ્દામાલ સાથે ઝડપાયા

રાજુલા તાલુકાના વિક્ટર ગામે લેબર ક્વાર્ટર વિસ્તારમાંથી 9 જુગારીઓને રૂ. 17,590 ના મુદ્દામાલ સાથે ઝડપી પાડવામાં આવ્યા છે. મરીન પીપાવાવ પોલીસમાંથી પ્રાપ્ત થયેલી માહિતી અનુસાર, વિક્ટર ગામમાં રાજુભાઈ બાબુભાઈ વાજાની પાન-માવાની દુકાન સામે જાહેર રસ્તા પર ગંજીપાના વડે પૈસાની હારજીતનો જુગાર રમાઈ રહ્યો હતો.

પોલીસની કાર્યવાહી દરમિયાન, મનસુખભાઈ ઉર્ફે માનસંગ ભાલાભાઈ બારૈયા, રાજદીપભાઈ જાદવભાઈ બાંભણીયા, સુરેશભાઈ ભીખાભાઈ મકવાણા, રામભાઈ નાથાભાઈ મકવાણા, શૈલેષભાઈ જીવાભાઈ શીંગડ, સુરેશભાઈ ભગુભાઈ જોગીયા, ચિનુભાઈ લખમણભાઈ ગુજરીયા, સંતોષભાઈ કાળુભાઈ સોલંકી અને બાબુભાઈ રૂપાભાઈ સાંજોટને રોકડ રકમ રૂ. 17,590 ના મુદ્દામાલ સાથે ઝડપી લેવાયા હતા.

આ સમગ્ર બનાવ અંગે મરીન પીપાવાવ પોલીસ સ્ટેશનના હેડ કોન્સ્ટેબલ જી. બી. ઝીંઝાળા વધુ તપાસ હાથ ધરી રહ્યા છે.