ભાવનગરના પાલીતાણામાં નકલી દારૂ પીવાથી 9 યુવકોની તબિયત લથડી

ભાવનગર જિલ્લાના પાલીતાણા પંથકમાં નકલી વિદેશી દારૂ પીવાને કારણે એકસાથે 9 યુવકોની તબિયત લથડવાની ગંભીર ઘટના સામે આવી છે. આ ઘટનાને પગલે સ્થાનિક વિસ્તારમાં ચકચાર મચી ગઈ છે.

તબિયત લથડતા તમામ અસરગ્રસ્ત યુવકોને તાત્કાલિક સારવાર માટે હોસ્પિટલ ખસેડવામાં આવ્યા હતા. જેમાં 6 યુવકોને પાલીતાણાની હોસ્પિટલમાં દાખલ કરવામાં આવ્યા છે, જ્યારે અન્ય 3 યુવકોની સ્થિતિ ગંભીર જણાતા તેમને વધુ સારવાર અર્થે ભાવનગરની સર ટી. હોસ્પિટલમાં ખસેડવામાં આવ્યા છે.

હાલમાં આ તમામ યુવકોની સારવાર ચાલી રહી છે. આ ઘટના બાદ વહીવટી તંત્ર અને પોલીસ દ્વારા તપાસના ચક્રો ગતિમાન કરવામાં આવ્યા છે.