Health
જૂનાગઢ જિલ્લામાં આયુષ્માન ભારત યોજના હેઠળ 8.81 લાખથી વધુ લાભાર્થીઓની નોંધણી પૂર્ણ
આયુષ્માન ભારત યોજના ગરીબ અને મધ્યમ વર્ગના પરિવારો માટે આરોગ્ય સુરક્ષા કવચ બની રહી છે, જેમાં જૂનાગઢ જિલ્લામાં 98.21 ટકા નોંધણી લક્ષ્યાંક હાંસલ થયો છે.
જૂનાગઢ જિલ્લામાં આયુષ્માન ભારત–પ્રધાનમંત્રી જન આરોગ્ય યોજના (PMJAY) હેઠળ 8.81 લાખથી વધુ લાભાર્થીઓની નોંધણી પૂર્ણ થઈ છે, જે નિર્ધારિત લક્ષ્યાંકના 98.21 ટકા છે. આ યોજના ગરીબ અને મધ્યમ વર્ગના પરિવારો માટે ગંભીર બીમારીઓના સમયે આરોગ્ય સુરક્ષાનું મહત્વપૂર્ણ માધ્યમ બની રહી છે, જેનાથી અનેક પરિવારોને પગના ઓપરેશનથી લઈને હૃદયરોગ અને કેન્સર જેવી બીમારીઓની સારવારમાં આર્થિક રાહત મળી રહી છે.
સરકાર દ્વારા નાગરિકોને ગુણવત્તાયુક્ત અને કેશલેસ તબીબી સારવાર ઉપલબ્ધ કરાવવાના હેતુથી અમલમાં મૂકાયેલી આ યોજના હેઠળ જૂનાગઢ જિલ્લામાં વર્ષ 2026ના નોંધણી લક્ષ્યાંક સામે 98.21 ટકા કામગીરી પૂર્ણ થઈ હોવાનું આરોગ્ય વિભાગે જણાવ્યું છે. જિલ્લા મુખ્ય આરોગ્ય અધિકારી ડૉ. સાલવીના માર્ગદર્શન હેઠળ યોજનાની કામગીરી ચાલી રહી છે. યોજનાના નોડલ ઓફિસર ડૉ. ડી. આર. વાછાણીએ જણાવ્યું કે, પાત્ર કુટુંબોને વાર્ષિક રૂ. 10 લાખ સુધીની કેશલેસ સારવારનો લાભ મળી શકે છે, જેમાં પ્રાથમિક, સેકન્ડરી તેમજ ગંભીર બીમારીઓની સારવારનો સમાવેશ થાય છે.
યોજના હેઠળ હોસ્પિટલમાં નોંધણી, તબીબી પરામર્શ, લેબોરેટરી તપાસ, સર્જરી, દવાઓ, દાખલ થવાનો ખર્ચ, ખોરાક, સર્જરી બાદની સેવાઓ અને ફોલોઅપ જેવી સુવિધાઓનો સમાવેશ થાય છે. આ ઉપરાંત, સંલગ્ન હોસ્પિટલમાં સારવાર માટે આવવા-જવા માટે મુસાફરી સહાયરૂપે રૂ. 300 આપવાની પણ જોગવાઈ છે. વૃદ્ધ નાગરિકો માટે આયુષ્માન વય વંદના યોજના પણ અમલમાં છે, જેના હેઠળ 70 વર્ષ કે તેથી વધુ વયના વરિષ્ઠ નાગરિકોને આવકના પુરાવા વિના રૂ. 10 લાખ સુધીની કેશલેસ સારવારનો લાભ મળે છે.
નાગરિકો આયુષ્માન ભારત એપ દ્વારા પોતાની પાત્રતા ચકાસી શકે છે અથવા નજીકના સરકારી આરોગ્ય કેન્દ્રનો સંપર્ક કરી શકે છે. જૂનાગઢ જિલ્લાના વિવિધ તાલુકાઓમાં આવેલી ખાનગી અને ટ્રસ્ટ સંચાલિત હોસ્પિટલો દ્વારા પણ યોજનાનો લાભ આપવામાં આવી રહ્યો છે. આરોગ્ય વિભાગના જણાવ્યા અનુસાર, વર્ષ 2026 દરમિયાન કુલ 8,97,051 લાભાર્થીઓના લક્ષ્યાંક સામે 8,81,030 લાભાર્થીઓની નોંધણી પૂર્ણ થઈ છે.
આ યોજનાઓ ગંભીર બીમારીના સમયે પરિવારો પર પડતા આર્થિક બોજને ઘટાડવામાં મદદરૂપ થાય છે. પાત્રતા ધરાવતા નાગરિકો પોતાનું કાર્ડ મેળવી યોજનાની સુવિધાઓ અંગે માહિતી મેળવી આરોગ્ય સુરક્ષાનો લાભ લે તે આવશ્યક છે.
સરકાર દ્વારા નાગરિકોને ગુણવત્તાયુક્ત અને કેશલેસ તબીબી સારવાર ઉપલબ્ધ કરાવવાના હેતુથી અમલમાં મૂકાયેલી આ યોજના હેઠળ જૂનાગઢ જિલ્લામાં વર્ષ 2026ના નોંધણી લક્ષ્યાંક સામે 98.21 ટકા કામગીરી પૂર્ણ થઈ હોવાનું આરોગ્ય વિભાગે જણાવ્યું છે. જિલ્લા મુખ્ય આરોગ્ય અધિકારી ડૉ. સાલવીના માર્ગદર્શન હેઠળ યોજનાની કામગીરી ચાલી રહી છે. યોજનાના નોડલ ઓફિસર ડૉ. ડી. આર. વાછાણીએ જણાવ્યું કે, પાત્ર કુટુંબોને વાર્ષિક રૂ. 10 લાખ સુધીની કેશલેસ સારવારનો લાભ મળી શકે છે, જેમાં પ્રાથમિક, સેકન્ડરી તેમજ ગંભીર બીમારીઓની સારવારનો સમાવેશ થાય છે.
યોજના હેઠળ હોસ્પિટલમાં નોંધણી, તબીબી પરામર્શ, લેબોરેટરી તપાસ, સર્જરી, દવાઓ, દાખલ થવાનો ખર્ચ, ખોરાક, સર્જરી બાદની સેવાઓ અને ફોલોઅપ જેવી સુવિધાઓનો સમાવેશ થાય છે. આ ઉપરાંત, સંલગ્ન હોસ્પિટલમાં સારવાર માટે આવવા-જવા માટે મુસાફરી સહાયરૂપે રૂ. 300 આપવાની પણ જોગવાઈ છે. વૃદ્ધ નાગરિકો માટે આયુષ્માન વય વંદના યોજના પણ અમલમાં છે, જેના હેઠળ 70 વર્ષ કે તેથી વધુ વયના વરિષ્ઠ નાગરિકોને આવકના પુરાવા વિના રૂ. 10 લાખ સુધીની કેશલેસ સારવારનો લાભ મળે છે.
નાગરિકો આયુષ્માન ભારત એપ દ્વારા પોતાની પાત્રતા ચકાસી શકે છે અથવા નજીકના સરકારી આરોગ્ય કેન્દ્રનો સંપર્ક કરી શકે છે. જૂનાગઢ જિલ્લાના વિવિધ તાલુકાઓમાં આવેલી ખાનગી અને ટ્રસ્ટ સંચાલિત હોસ્પિટલો દ્વારા પણ યોજનાનો લાભ આપવામાં આવી રહ્યો છે. આરોગ્ય વિભાગના જણાવ્યા અનુસાર, વર્ષ 2026 દરમિયાન કુલ 8,97,051 લાભાર્થીઓના લક્ષ્યાંક સામે 8,81,030 લાભાર્થીઓની નોંધણી પૂર્ણ થઈ છે.
આ યોજનાઓ ગંભીર બીમારીના સમયે પરિવારો પર પડતા આર્થિક બોજને ઘટાડવામાં મદદરૂપ થાય છે. પાત્રતા ધરાવતા નાગરિકો પોતાનું કાર્ડ મેળવી યોજનાની સુવિધાઓ અંગે માહિતી મેળવી આરોગ્ય સુરક્ષાનો લાભ લે તે આવશ્યક છે.