અમદાવાદમાં પોલીસની નાઈટ ડ્રાઈવમાં બુટલેગર ઝડપાયો, 81 બોટલ દારૂ જપ્ત

અમદાવાદ પોલીસે નાઈટ ડ્રાઈવ દરમિયાન દારૂની હેરાફેરી કરતા કથિત બુટલેગર મોહમ્મદ નવીદ અન્સારીને ઝડપી પાડ્યો છે. પોલીસે તપાસ દરમિયાન આરોપીની કારમાંથી ગીઝરની અંદર છુપાવેલી દારૂની બોટલ મળી આવી હતી.

પોલીસે વધુ તપાસ હાથ ધરતા આરોપીના ઘરે રાખેલા પાંચ ગીઝરમાંથી પણ દારૂનો જથ્થો મળી આવ્યો હતો. આ કાર્યવાહી દરમિયાન કુલ 81 બોટલ દારૂ જપ્ત કરવામાં આવ્યો હોવાનું જાણવા મળે છે.

જપ્ત કરાયેલા દારૂ સહિત કુલ મુદ્દામાલની કિંમત આશરે ₹2.40 લાખ હોવાનું જણાવાયું છે. પોલીસે આરોપી સામે કાયદેસરની કાર્યવાહી હાથ ધરી વધુ તપાસ શરૂ કરી છે.