બિટકોઇનમાં તોફાની તેજી: કિંમત 80,000 ડોલરની નજીક પહોંચતા ત્રણ વર્ષનો રેકોર્ડ તૂટ્યો

દુનિયાની સૌથી મોટી ક્રિપ્ટોકરન્સી બિટકોઇનમાં હાલમાં મોટો ઉછાળો જોવા મળી રહ્યો છે. અમેરિકા અને ટ્રમ્પના એક મહત્વપૂર્ણ નિર્ણય બાદ બિટકોઇનના ભાવમાં તોફાની તેજી જોવા મળી છે, જેના કારણે છેલ્લા ત્રણ વર્ષનો રેકોર્ડ તૂટી ગયો છે.

બિટકોઇન તેની કિંમતમાં સતત વધારા સાથે 80,000 ડોલરની સપાટીની નજીક પહોંચી ગયું છે. એક જ દિવસમાં તેમાં 9.4%નો નોંધપાત્ર ઉછાળો જોવા મળ્યો હતો, જેના પગલે તેની કિંમત લગભગ 77,500 ડોલર સુધી પહોંચી ગઈ હતી.

આ તેજી એટલી ઝડપી છે કે બિટકોઇન છેલ્લા ત્રણ વર્ષની સૌથી મોટી સાપ્તાહિક તેજી તરફ આગળ વધી રહ્યું છે. માત્ર આ સપ્તાહના ગાળામાં જ તેમાં લગભગ 23%નો વધારો નોંધાયો છે, જે રોકાણકારો માટે ચર્ચાનો વિષય બન્યો છે.