સુરત જિલ્લામાં ‘સેવા મેરા યોગદાન’ હેઠળ 8000થી વધુ નાગરિકોએ આરોગ્ય તપાસનો લાભ લીધો

રાજ્ય સરકારના ‘સેવા સંકલ્પ અભિયાન’ અંતર્ગત ‘સેવા મેરા યોગદાન’ થીમ પર આધારિત એક વિશેષ કાર્યક્રમ સુરત જિલ્લામાં આયોજિત કરવામાં આવ્યો હતો. આ કાર્યક્રમ હેઠળ આરોગ્ય તપાસ અને બ્લડ ડોનેશન કેમ્પનું આયોજન કરાયું હતું, જેમાં 8000થી વધુ નાગરિકોએ ઉત્સાહભેર ભાગ લઈને આરોગ્ય તપાસનો લાભ મેળવ્યો હતો.

આ આરોગ્ય તપાસ કેમ્પ જિલ્લા હોસ્પિટલ, તમામ પેટા જિલ્લા હોસ્પિટલ અને સામૂહિક આરોગ્ય કેન્દ્રો ખાતે યોજાયા હતા. આ પહેલનો મુખ્ય ઉદ્દેશ્ય નાગરિકોના સ્વાસ્થ્યની નિયમિત તપાસ સુનિશ્ચિત કરવાનો અને આરોગ્ય પ્રત્યે સમાજમાં વધુ જાગૃતિ લાવવાનો હતો.

આ કાર્યક્રમ દ્વારા નાગરિકોને તેમના સ્વાસ્થ્યની સ્થિતિ વિશે માહિતગાર થવાની અને જરૂરી આરોગ્ય સેવાઓ મેળવવાની તક મળી હતી. બ્લડ ડોનેશન કેમ્પ દ્વારા રક્તદાનનું મહત્વ પણ સમજાવવામાં આવ્યું હતું.