హరిదాస్ నగర్ గ్రామంలో 8 సీసీటీవీ కెమెరాలు ఏర్పాటు, DSP నాగేంద్ర చారి ముఖ్య అతిథిగా

హరిదాస్ నగర్ గ్రామంలో ప్రధాన కూడళ్ళలో 8 సీసీటీవీ (CCTV) కెమెరాలు గ్రామస్తుల సహకారంతో, గ్రామ పాలకవర్గ సభ్యులు మరియు సర్పంచ్ చిర్రం నాగరాజ్ యాదవ్ ఏర్పాటు చేశారు. ఈ కార్యక్రమంలో సిరిసిల్ల డిఎస్పి నాగేంద్ర చారి ముఖ్య అతిథిగా హాజరై కెమెరాలను ప్రారంభించారు.

డిఎస్పి నాగేంద్ర చారి, కెమెరాలు గ్రామాల్లో ఏర్పాటు చేయడం ద్వారా దొంగతనాల నివారణ, మహిళల భద్రతకు దోహదపడుతుందని పేర్కొన్నారు. ఈ ప్రయత్నానికి గ్రామ సర్పంచ్, పాలకవర్గ సభ్యులు, గ్రామస్తులకు అభినందనలు తెలిపారు.

యువకులు ప్రజా ప్రతినిధులుగా ఉంటే గ్రామాలు అభివృద్ధి మార్గంలో ముందుకు సాగుతాయని సర్పంచ్ చిర్రం నాగరాజ్ యాదవ్ గారిని డిఎస్పి చారి అభినందించారు. అలాగే, గ్రామంలో ఉన్న వాలీబాల్ ఆటగాళ్లకు పాలకవర్గం నుండి జెర్సీలు పంపిణీ చేయబడింది.

కార్యక్రమంలో సిఐ వెంకటేష్, ఎస్సై రమేష్, ఉప సర్పంచ్ గుమ్మడి సతీష్, ఎఎంసీ చైర్మన్ దేవానందం, ఎఎంసీ వైస్ చైర్మన్ నంది కిషన్, మండల అధ్యక్షుడు దొమ్మాటి నరసయ్య, పంతంగి సతీష్, అనింగారి మమత, వట్టెల సాత్విక, తెడ్డు అనిత, పంతంగి అశ్విని, మండల కాంగ్రెస్ నాయకులు సద్ది లక్ష్మారెడ్డి, షేక్ గౌస్, గుండాటి రామ్ రెడ్డి, గుర్రాల రాజిరెడ్డి, వంగ శ్రీకాంత్ రెడ్డి, బండారి బాల్ రెడ్డి, బుగ్గ కృష్ణ మూర్తి, సెక్రెటరీ రమేష్, గ్రామస్థులు, పాత్రికేయ మిత్రులు తదితరులు హాజరయ్యారు.