સુરતમાં મોડિફાઈડ સાઈલેન્સરનો આતંક: અડાજણ પોલીસે 8 બાઈકર્સ સામે કાર્યવાહી

સુરતના અડાજણ વિસ્તારમાં મોડિફાઈડ સાઈલેન્સર લગાવી જાહેરમાં વાહન ચલાવી અવાજ પ્રદૂષણ ફેલાવતા બાઈકર્સ સામે પોલીસે કડક કાર્યવાહી કરી છે. અડાજણ પોલીસે આવા કૃત્ય કરતા કુલ 8 બાઈકર્સને ઝડપી પાડ્યા હતા અને તેમની સામે કાયદેસરની કાર્યવાહી હાથ ધરી હતી.

પોલીસની આ કાર્યવાહીને કારણે શહેરમાં મોડિફાઈડ સાઈલેન્સરનો ઉપયોગ કરી જાહેરમાં અવાજ પ્રદૂષણ ફેલાવતા અન્ય બાઈકર્સમાં પણ ફફડાટ ફેલાયો છે. આવા વાહનોના કારણે નાગરિકોને ભારે અસુવિધા થતી હતી અને અકસ્માતનો ભય પણ રહેતો હતો.

અડાજણ પોલીસે જાહેરનામાનો ભંગ બદલ અને પ્રદૂષણ ફેલાવવા બદલ આ બાઈકર્સ સામે ગુનો નોંધી કાયદેસરની કાર્યવાહી કરી છે. ભવિષ્યમાં આવા કૃત્યો ફરી ન થાય તે માટે પોલીસે લોકોને નિયમોનું પાલન કરવા અપીલ કરી છે.