ભરૂચ: ડુંગરી રેલવે ફાટક પાસેથી 76 ગ્રામ MD ડ્રગ્સ સાથે યુવાન ઝડપાયો, ₹2.88 લાખનો મુદ્દામાલ જપ્ત

ભરૂચ શહેર બી ડિવિઝન પોલીસે પશ્ચિમ વિસ્તારમાં આવેલા ડુંગરી રેલવે ફાટક નજીક એક મોટી કાર્યવાહી હાથ ધરી છે. આ કાર્યવાહી દરમિયાન પોલીસે 76 ગ્રામ MD ડ્રગ્સના જથ્થા સાથે ધ્રુવ ગોહિલ નામના યુવાનને ઝડપી પાડ્યો છે.

પોલીસે આરોપી પાસેથી MD ડ્રગ્સનો જથ્થો અને એક મોપેડ સહિત કુલ ₹2.88 લાખનો મુદ્દામાલ જપ્ત કર્યો છે. પ્રાથમિક માહિતી મુજબ, આરોપી અલગ-અલગ નામનાં પેકેટ બનાવીને ડ્રગ્સનું વેચાણ કરતો હતો.

પોલીસ હાલ આ ડ્રગ્સનો જથ્થો ક્યાંથી લાવવામાં આવ્યો હતો અને તેને કોણે પૂરો પાડ્યો હતો તે દિશામાં ઊંડાણપૂર્વક તપાસ શરૂ કરી છે. આ ઉપરાંત, ડ્રગ્સના વેચાણમાં અન્ય કોઈ લોકો કે કોઈ મોટું નેટવર્ક સંકળાયેલું છે કે કેમ તે અંગે પણ પોલીસ દ્વારા તપાસ હાથ ધરવામાં આવી છે.