અમરેલીના લાઠી નજીક છકડો રિક્ષા પલટી જતાં 7 મુસાફરો ઈજાગ્રસ્ત

અમરેલી જિલ્લાના લાઠી તાલુકાના ચાવંડ-ગળકોટડી નજીક એક ગંભીર અકસ્માતની ઘટના સામે આવી છે. અહીં એક છકડો રિક્ષા અચાનક પલટી જતાં મુસાફરોમાં અફરાતફરી મચી ગઈ હતી.

આ અકસ્માતમાં રિક્ષામાં સવાર આશરે 7 મુસાફરો ઈજાગ્રસ્ત થયા હોવાનું જાણવા મળ્યું છે. ઘટનાની જાણ થતા જ આસપાસના લોકો મદદ માટે દોડી આવ્યા હતા.

તમામ ઈજાગ્રસ્તોને તાત્કાલિક સારવાર અર્થે બાબરા સિવિલ હોસ્પિટલ ખાતે ખસેડવામાં આવ્યા છે, જ્યાં તેમને જરૂરી તબીબી સહાય આપવામાં આવી રહી છે.