અમરેલી જિલ્લામાં દેશી દારૂ અને નશામાં ધૂત 7 લોકો ઝડપાયા

અમરેલી જિલ્લામાં કાયદો અને વ્યવસ્થાની જાળવણીના ભાગરૂપે પોલીસે સઘન ચેકિંગ હાથ ધર્યું હતું. આ દરમિયાન, જિલ્લામાં કુલ 4 અલગ-અલગ સ્થળોએથી 10 લીટર જેટલો દેશી દારૂનો જથ્થો ઝડપી પાડવામાં આવ્યો હતો. જેમાં જાફરાબાદમાંથી 1 લીટર, બલાણા ગામમાંથી 2 લીટર, રાજુલામાંથી 3 લીટર તથા જાફરાબાદ મીઠીવાવ પાસેથી 4 લીટર દેશી દારૂનો સમાવેશ થાય છે.

આ ઉપરાંત, પોલીસે જિલ્લાના વિવિધ વિસ્તારોમાં કુલ 7 જેટલા લોકોને પાસ-પરમિટ વગર કેફી પીણું પીને જાહેરમાં ફરતા ઝડપી પાડ્યા હતા. આ કાર્યવાહી દરમિયાન, અમરેલી શહેરમાંથી એક યુવક નશાની હાલતમાં વાહન ચલાવતો ઝડપાયો હતો, જેની સામે કાયદેસરની કાર્યવાહી કરવામાં આવી છે.

પોલીસ દ્વારા કરવામાં આવેલી આ કાર્યવાહીથી નશાખોરોમાં ફફડાટ ફેલાયો છે. જિલ્લામાં દારૂની હેરાફેરી અને નશાખોરી સામે પોલીસની ઝુંબેશ ચાલુ રહેશે તેમ જાણવા મળ્યું છે.