Crime
કચ્છ: અડેસર નજીક દારૂ ભરેલું કન્ટેનર ઝડપાયું, 63 લાખનો મુદ્દામાલ જપ્ત, એક યુવક ઝડપાયો
સ્ટેટ મોનિટરિંગ સેલ દ્વારા કચ્છના અડેસર પોલીસ સ્ટેશન વિસ્તારમાં દારૂની હેરાફેરી ઝડપી પાડવામાં આવી છે. રાપર તાલુકાના ભીમાસર નજીકથી દારૂ ભરેલું એક કન્ટેનર ઝડપી લેવાયું છે, જેમાં 62.95 લાખથી વધુની કિંમતની 23,729 બોટલ દારૂનો જથ્થો મળી આવ્યો છે.
સ્ટેટ મોનિટરિંગ સેલની ટીમે કચ્છના ગાંધીધામના અડેસર પોલીસ સ્ટેશનની હદમાં દારૂની હેરાફેરી કરતાં એક મોટા રેકેટનો પર્દાફાશ કર્યો છે. રાપર તાલુકાના ભીમાસર ગામ નજીકથી પોલીસે એક કન્ટેનરને રોકીને તેની તપાસ કરતાં તેમાંથી મોટી માત્રામાં દારૂનો જથ્થો મળી આવ્યો હતો.
પ્રાથમિક માહિતી અનુસાર, ઝડપાયેલા કન્ટેનરમાંથી 23,729 બોટલ વિદેશી દારૂ મળી આવ્યો છે, જેની કિંમત આશરે 62.95 લાખ રૂપિયાથી વધુ થાય છે. પોલીસે દારૂ ભરેલા કન્ટેનર સહિત કુલ 63 લાખ રૂપિયાથી વધુનો મુદ્દામાલ જપ્ત કર્યો છે.
આ રેકેટમાં સામેલ રામદેવસિંહ વાઘેલા નામના એક યુવકને પોલીસે દારૂની હેરાફેરી કરતાં રંગેહાથ ઝડપી પાડ્યો છે. પોલીસે તેની ધરપકડ કરી વધુ તપાસ હાથ ધરી છે, જેમાં આ દારૂ ક્યાંથી આવ્યો અને ક્યાં લઈ જવાનો હતો તે સહિતના મુદ્દાઓ પર તપાસ કેન્દ્રિત કરવામાં આવી છે.
પ્રાથમિક માહિતી અનુસાર, ઝડપાયેલા કન્ટેનરમાંથી 23,729 બોટલ વિદેશી દારૂ મળી આવ્યો છે, જેની કિંમત આશરે 62.95 લાખ રૂપિયાથી વધુ થાય છે. પોલીસે દારૂ ભરેલા કન્ટેનર સહિત કુલ 63 લાખ રૂપિયાથી વધુનો મુદ્દામાલ જપ્ત કર્યો છે.
આ રેકેટમાં સામેલ રામદેવસિંહ વાઘેલા નામના એક યુવકને પોલીસે દારૂની હેરાફેરી કરતાં રંગેહાથ ઝડપી પાડ્યો છે. પોલીસે તેની ધરપકડ કરી વધુ તપાસ હાથ ધરી છે, જેમાં આ દારૂ ક્યાંથી આવ્યો અને ક્યાં લઈ જવાનો હતો તે સહિતના મુદ્દાઓ પર તપાસ કેન્દ્રિત કરવામાં આવી છે.