દિલ્હીમાં સ્વાઇન ફ્લૂનો હાહાકાર: કેસમાં 6 ગણો વધારો, 1700થી વધુ દર્દીઓ નોંધાયા

દિલ્હીમાં ધુમ્મસ અને બદલાતી ઋતુની અસર વચ્ચે સ્વાઇન ફ્લૂ એટલે કે H1N1 વાયરસના કેસમાં ઝડપથી વધારો જોવા મળી રહ્યો છે. સરકારી આંકડા મુજબ, અત્યાર સુધીમાં શહેરમાં કુલ 1777 જેટલા સ્વાઇન ફ્લૂના કેસ નોંધાયા છે, જે ગત સમયની સરખામણીએ 6 ગણા વધારે છે.

આ રોગચાળાની ગંભીરતાનો અંદાજ એ વાત પરથી લગાવી શકાય છે કે સામાન્ય નાગરિકોની સાથે હવે ડોક્ટરો અને સરકારી હોસ્પિટલના પ્રમુખ પણ H1N1 પોઝિટિવ આવ્યા છે. સ્વાઇન ફ્લૂ ઉપરાંત અન્ય રેસ્પિરેટરી ઇન્ફેક્શનના દર્દીઓની સંખ્યામાં પણ હોસ્પિટલોમાં નોંધપાત્ર વધારો જોવા મળી રહ્યો છે.

વધતા જતા કેસોને પગલે આરોગ્ય તંત્ર એલર્ટ મોડ પર છે. નિષ્ણાતોના મતે બદલાતા વાતાવરણમાં સાવચેતી રાખવી અત્યંત જરૂરી છે, જેથી આ વાયરસના ફેલાવાને નિયંત્રિત કરી શકાય.