પલસાણા પોલીસે ચોરાયેલી એક્ટિવા સાથે એક ઈસમને ઝડપી પાડ્યો, 55,000નો મુદ્દામાલ કબજે

પલસાણા પોલીસે બારડોલી ટાઉન પોલીસ સ્ટેશન વિસ્તારમાંથી ચોરાયેલી એક્ટિવા મોપેડ સાથે એક આરોપીને ઝડપી પાડ્યો છે. પોલીસે જુનેદ હનીફ મુલતાની નામના વ્યક્તિની ધરપકડ કરી કુલ 55,000 રૂપિયાનો મુદ્દામાલ જપ્ત કર્યો છે.

સુરત ગ્રામ્ય જિલ્લામાં મિલકત સંબંધી ગુનાઓ રોકવા માટે ઉચ્ચ અધિકારીઓના માર્ગદર્શન હેઠળ પલસાણા પોલીસ ટીમ પેટ્રોલીંગ કરી રહી હતી. તે દરમિયાન બાતમીના આધારે, પલસાણા ગામની સીમમાં ભીંડી બજાર તરફ જતા રોડ પરથી જુનેદ મુલતાનીને ઝડપી લેવાયો હતો.

પકડાયેલ આરોપી જુનેદ હનીફ મુલતાની પલસાણાનો રહેવાસી છે અને ગાડી લે-વેચનો ધંધો કરે છે. પોલીસે તેની પાસેથી નંબર વગરની કાળા કલરની 50,000 રૂપિયાની એક્ટિવા મોપેડ અને 5,000 રૂપિયાનો મોબાઈલ ફોન મળી કુલ 55,000 રૂપિયાનો મુદ્દામાલ કબજે કર્યો છે.