અમદાવાદ: રખિયાલ પોલીસે 519.8 ગ્રામ ગાંજા સાથે બે શખ્સોને ઝડપી પાડ્યા

અમદાવાદ શહેરના રખિયાલ વિસ્તારમાં પોલીસે નશીલા પદાર્થોના વેચાણ અને હેરાફેરી સામે કડક કાર્યવાહી હાથ ધરી છે. આ કાર્યવાહી દરમિયાન પોલીસે 519.8 ગ્રામ ગાંજાનો જથ્થો ઝડપી પાડ્યો છે, જેની બજાર કિંમત ₹25,950 આંકવામાં આવી છે.

પોલીસની તપાસમાં બે આરોપીઓ પકડાયા છે. તેમની પાસેથી ગાંજા ઉપરાંત બે મોબાઈલ ફોન જેની કિંમત ₹15,000 છે અને રોકડ ₹18,780 મળી આવ્યા છે. પોલીસે કુલ ₹59,730નો મુદ્દામાલ કબજે કરીને કાયદેસરની કાર્યવાહી શરૂ કરી છે.

આ મામલે રખિયાલ પોલીસે બંને આરોપીઓ વિરુદ્ધ NDPS એક્ટ હેઠળ ગુનો નોંધીને વધુ તપાસ હાથ ધરી છે. શહેરના વિસ્તારોમાં નશીલા પદાર્થોના દૂષણને ડામવા માટે પોલીસ દ્વારા સઘન પેટ્રોલિંગ અને તપાસ કરવામાં આવી રહી છે.