રવિન્દ્ર જાડેજાએ રચ્યો ઈતિહાસ, વર્લ્ડ ટેસ્ટ ચેમ્પિયનશીપમાં 50 ટેસ્ટ રમનાર પ્રથમ એશિયન ક્રિકેટર બન્યા

ભારતીય ટીમના સ્ટાર ઓલરાઉન્ડર રવિન્દ્ર જાડેજાએ ક્રિકેટ જગતમાં એક નવો ઈતિહાસ રચ્યો છે. કોલંબોમાં શ્રીલંકા સામે રમાઈ રહેલી બીજી ટેસ્ટ મેચમાં મેદાનમાં ઉતરતાની સાથે જ જાડેજા વર્લ્ડ ટેસ્ટ ચેમ્પિયનશીપ (WTC)માં 50 ટેસ્ટ મેચ રમનાર ભારત અને એશિયાના પ્રથમ ક્રિકેટર બની ગયા છે.

આ સિદ્ધિ સાથે જાડેજાએ પોતાની કારકિર્દીમાં એક મહત્વપૂર્ણ મુકામ હાંસલ કર્યું છે. અત્યાર સુધીની તેમની WTC સફરમાં તેમણે 2,632 રન બનાવ્યા છે અને 160 વિકેટ ઝડપી છે.

આ ઉપરાંત, રવિન્દ્ર જાડેજા હવે વિદેશી ધરતી પર 100 વિકેટ અને 2,000 રનનો બેવડો રેકોર્ડ પૂર્ણ કરવાની પણ ખૂબ નજીક પહોંચી ગયા છે. તેમની આ શાનદાર કામગીરીને પગલે ક્રિકેટ જગતમાં તેમના વખાણ થઈ રહ્યા છે.