કામરેજમાં 46 વર્ષીય રત્નકલાકાર જાહેરમાં મૃત હાલતમાં મળી આવ્યા

કામરેજમાં નનસાડ રોડ નજીક જાહેરમાં એક 46 વર્ષીય રત્નકલાકાર મૃત હાલતમાં મળી આવતા સમગ્ર વિસ્તારમાં ચકચાર મચી જવા પામી છે. આ ઘટનાની જાણ થતાં જ કામરેજ પોલીસ તાત્કાલિક ઘટના સ્થળે દોડી આવી હતી અને વધુ તપાસ હાથ ધરી હતી.

મૃતક રત્નકલાકારની ઓળખ રાજેશભાઈ ઉર્ફે રાજુભાઈ વલ્લભભાઈ દોંગા તરીકે થઈ છે. તેઓ મૂળ જૂનાગઢ જિલ્લાના મોટી મોણપરી ગામના વતની હતા. હાલ તેઓ કામરેજમાં નનસાડ રોડ પર આવેલા ઓપેરા હોમ્સમાં મકાન નંબર બી-313માં રહેતા હતા અને હીરા મજૂરી કરીને પોતાના પરિવારનું ગુજરાન ચલાવતા હતા.

પોલીસે મૃતદેહને પોસ્ટમોર્ટમ માટે ખસેડી આગળની કાયદેસરની કાર્યવાહી હાથ ધરી છે. આ બનાવ અંગે વધુ તપાસ કરવામાં આવી રહી છે.