હડિયોલ ગામની પીએમશ્રી-ગુજરાત પ્રાથમિક શાળામાં ગણિત‑વિજ્ઞાન અને પર્યાવરણ પ્રદર્શનમાં 400થી વધુ વિદ્યાર્થીઓએ 200થી વધુ કૃતિઓ રજૂ કરી..

સાબરકાંઠાના-:
હિંમતનગર તાલુકાના હડિયોલ ગામની પીએમશ્રી-ગુજરાત પ્રાથમિક શાળામાં 2026માં ગણિત‑વિજ્ઞાન અને પર્યાવરણ પ્રદર્શનનું આયોજન કરવામાં આવ્યું. આ કાર્યક્રમમાં 400થી વધુ વિદ્યાર્થીઓએ ભાગ લઈને 200થી વધુ વિવિધ કૃતિઓ, પ્રયોગો અને વર્કિંગ મોડેલ્સ રજૂ કર્યા.પ્રદર્શન શાળાના 11 રૂમોમાં વિવિધ વિષયોના પ્રોજેક્ટ્સ દર્શાવ્યા,જેમાં પર્યાવરણ સુરક્ષા, સૂર્ય ઊર્જા, રોબોટિક્સ, નવીનતા અને ગણિત‑વિજ્ઞાન સંબંધિત વિષયો સામેલ હતા. બાળવાટિકાથી ધોરણ‑8 સુધીના કુલ 600 વિદ્યાર્થીઓ અને 18 શિક્ષકો આમાં સામેલ હતા..

પ્રદર્શનને માતા‑પિતાઓ, એસએમસીના સભ્યો અને ગ્રામજનોની ઉપસ્થિતિ મળી. શાળાના મુખ્ય શિક્ષક મયુર પટેલે જણાવ્યું કે આ વર્ષે રજૂ થયેલી કૃતિઓની સંખ્યા ગયા વર્ષની 160 કરતાં વધીને 200થી વધુ થઈ છે, અને શાળામાં સતત બીજા વર્ષે આ પ્રકારનું પ્રદર્શન થાય છે.મયુર પટેલે પ્રદર્શનનો મુખ્ય ઉદ્દેશ્ય વિદ્યાર્થીઓમાં ગોખણપટ્ટી દૂર કરીને વૈજ્ઞાનિક દૃષ્ટિકોણ અને તાર્કિક વિચારસરણીનું વિકાસ કરવાનું હોવાનું ભાર મૂક્યો. તેઓએ જણાવ્યું કે પુસ્તકીય જ્ઞાનને મર્યાદિત ન રાખીને આધુનિક ટેક્નોલોજી અને નવીન વિચારો સાથે જોડવાનો પ્રયાસ કરવામાં આવી રહ્યો છે.