સુરતમાં ‘કેસરિયા 4.0’માં ગીતા રબારીના તાલે ખેલૈયાઓ ઝૂમ્યા, મેદાન હાઉસફુલ

સુરત શહેરમાં ‘કેસરિયા 4.0’ નામના પ્રિ-નવરાત્રી કાર્યક્રમનું આયોજન કરવામાં આવ્યું હતું, જેમાં ખેલૈયાઓએ અભૂતપૂર્વ ઉત્સાહ દર્શાવ્યો હતો. આ કાર્યક્રમમાં લોકપ્રિય ગાયિકા ગીતા રબારી તેમના સુરીલા અવાજથી ગરબા ગ્રાઉન્ડમાં ભારે રમઝટ બોલાવી હતી.

ગીતા રબારીના ગીતો પર ઝૂમવા અને તેમના તાલે ગરબે ઘૂમવા માટે સુરતીઓ મોટી સંખ્યામાં ઉમટી પડ્યા હતા. કાર્યક્રમ સ્થળે એટલી ભીડ જામી હતી કે આખું ગ્રાઉન્ડ હાઉસફુલ થઈ ગયું હતું. ખેલૈયાઓનો ઉત્સાહ અનેરો જોવા મળ્યો હતો.

આ કાર્યક્રમની ટિકિટ અને પાસ મેળવવા માટે પણ ખેલૈયાઓમાં ભારે ધસારો જોવા મળ્યો હતો. ટિકિટ બારીઓ પર લાંબી કતારો લાગી હતી, જે કાર્યક્રમની લોકપ્રિયતા દર્શાવે છે. સુરતીઓએ આ પ્રિ-નવરાત્રી ઉત્સવનો ભરપૂર આનંદ માણ્યો હતો.