હાપા-ઓખા રેલવે માર્ગમાં બ્રિજ નંબર 391નું આધુનિકીકરણ પૂર્ણ

પશ્ચિમ રેલવેના રાજકોટ ડિવિઝન દ્વારા હાપા-ઓખા રેલવે સેક્શનના લાખાબાવળ–પીપળી વચ્ચે આવેલા બ્રિજ નંબર ૩૯૧ની અપ લાઇન પર જૂના સ્ટીલ ગર્ડરના સ્થાને ૬ પ્રી-સ્ટ્રેસ્ડ કોંક્રિટ (પીએસસી) સ્લેબ અને ૪ રિટેનર સ્થાપિત કરવાની કામગીરી પૂર્ણ કરવામાં આવી છે. ૩૦૦ મેટ્રિક ટન ક્ષમતાની ક્રેનની મદદથી કામગીરી હાથ ધરવામાં આવી હતી. આથી પુલની મજબૂતાઈ વધવા, ટ્રેકની જાળવણી સરળ બનવા અને ટ્રેન સંચાલનની સલામતીમાં સુધારો થવાની અપેક્ષા છે. રાજકોટ ડિવિઝનના ડીઆરએમ ગિરિરાજ કુમાર મીનાએ રેલવે માળખાકીય સુવિધાઓના આધુનિકીકરણને મહત્વપૂર્ણ ગણાવ્યું હતું.