ડાંગમાં મહાલની એકલવ્ય શાળાના 311 વિદ્યાર્થીઓનું સુરક્ષિત સ્થળાંતર

ડાંગ જિલ્લાના સુબીર તાલુકામાં આવેલ મહાલની એકલવ્ય શાળાના 311 વિદ્યાર્થીઓનું સુરક્ષિત સ્થળાંતર કરવામાં આવ્યું છે. શાળાના પ્રાંગણમાં પાણી ભરાતા, વહીવટીતંત્રે અગમચેતીના ભાગરૂપે આ પગલું ઉઠાવ્યું.

વિદ્યાર્થીઓને નજીકની માધ્યમિક શાળામાં ખસેડવામાં આવ્યા છે, જ્યાં તેમને રહેવા અને જમવાની સુચારુ વ્યવસ્થા કરવામાં આવી છે. આ કામગીરીમાં સુબીર મામલતદાર, સુબીર પોલીસ સ્ટેશનના પી.આઈ. અને તેમની ટીમ, શાળાના શિક્ષકો તેમજ સ્થાનિક ગ્રામજનોએ સહયોગ આપ્યો છે.

વિદ્યાર્થીઓની સુરક્ષા માટે આ તાત્કાલિક પગલાં લેવામાં આવ્યા છે, જેનાથી તેમના પરિવારજનોને પણ રાહત મળી છે. હાલ, તમામ વિદ્યાર્થીઓ સુરક્ષિત સ્થળે છે અને તેમને જરૂરી સુવિધાઓ પૂરી પાડવામાં આવી રહી છે.