વડોદરા ખાતેથી ‘પીએમ ઈ બસ સેવા’ અંતર્ગત 30 નવી એસી ઈલેક્ટ્રિક બસોને લીલી ઝંડી બતાવી પ્રસ્થાન કરાવ્યું. આ પહેલ અંતર્ગત, વડોદરા માટે કુલ 250 ઈ-બસો મંજૂર કરવામાં આવી છે, જેમાંથી પ્રથમ ચરણમાં 130 બસો ફાળવાશે.

વડોદરા ખાતેથી ‘પીએમ ઈ બસ સેવા’ અંતર્ગત 30 નવી એસી ઈલેક્ટ્રિક બસોને લીલી ઝંડી બતાવી પ્રસ્થાન કરાવ્યું. આ પહેલ અંતર્ગત, વડોદરા માટે કુલ 250 ઈ-બસો મંજૂર કરવામાં આવી છે, જેમાંથી પ્રથમ ચરણમાં 130 બસો ફાળવાશે.

આ 'ઝીરો એમિશન' બસો પ્રદૂષણ ઘટાડવામાં મહત્ત્વની સાબિત થશે અને નાગરિકોને આધુનિક સુવિધાયુક્ત ગ્રીન પરિવહનની ભેટ આપશે.

મુસાફરોની સુરક્ષા માટે આ બસોમાં સીસીટીવી કેમેરા, પેસેન્જર કાઉન્ટિંગ સિસ્ટમ અને ડ્રાઈવર મોનિટરિંગ સિસ્ટમની વ્યવસ્થા કરવામાં આવી છે.

આ ઉપરાંત, અકસ્માત સામે રક્ષણ માટે ફાયર એક્સટિંગ્વિશર અને ફર્સ્ટ એઈડ કિટની સુવિધા પણ ઉપલબ્ધ છે.

આ બસો વ્હીલચેર એક્સેસિબલ છે. દિવ્યાંગો અને સિનિયર સિટીઝન માટે પ્રાધાન્ય સીટો તેમજ મહિલાઓ માટે ખાસ 'પિન્ક સીટ્સ' અનામત રાખવામાં આવી છે. પસંદગીની બસોમાં હાઈડ્રોલિક લિફ્ટ અને રેમ્પની સુવિધા પણ આપવામાં આવી છે.

આ ઉપરાંત, આધુનિક મુસાફરી માટે ડિજિટલ ટિકિટિંગ, લાઈવ ટ્રેકિંગ માટે જી.પી.એસ. સિસ્ટમ અને એનાઉન્સમેન્ટ માટે 'પેસેન્જર ઈન્ફોર્મેશન સિસ્ટમ' કાર્યરત રહેશે. નાગરિકો રોકડ ઉપરાંત યુપીઆઈ, ટિકિટિંગ કાર્ડ અને મોબાઈલ એપ્લિકેશન દ્વારા ટિકિટ મેળવી શકશે.

બસોના સુચારૂ સંચાલન માટે વિવિધ સ્થળોએ ખાસ ચાર્જિંગ સ્ટેશન પણ ઊભા કરવામાં આવ્યા છે.

વડોદરાના જાહેર પરિવહનને આધુનિક અને ઈકોફ્રેન્ડલી બનાવવાની દિશામાં આ એક મક્કમ અને ક્રાંતિકારી ડગલું છે.