અરવલ્લીમાં પોશડોડા ભરેલી કાર રોકતા પોલીસ પર ફાયરિંગ, 3 રાઉન્ડ ગોળીબાર

અરવલ્લી જિલ્લામાં કાયદો અને વ્યવસ્થાની સ્થિતિને પડકારતી ઘટના સામે આવી છે. પોલીસે એક કારમાંથી મોટા પ્રમાણમાં પોશડોડા (અફીણ) ઝડપી પાડ્યું હતું. આ દરમિયાન, કારમાં સવાર બુટલેગરોએ પોલીસ પર અંધારામાં ત્રણ રાઉન્ડ ગોળીબાર કર્યો હતો.

પોલીસ સૂત્રો પાસેથી મળતી માહિતી મુજબ, પોલીસને બાતમી મળી હતી કે એક કારમાં મોટી માત્રામાં પોશડોડાનો જથ્થો લઈ જવામાં આવી રહ્યો છે. આ બાતમીના આધારે પોલીસે કારને રોકવાનો પ્રયાસ કર્યો હતો. જોકે, કાર ચાલકે પોલીસને જોઈને કાર રોકવાને બદલે ભાગવાનો પ્રયાસ કર્યો હતો.

પોલીસે પીછો કરતા બુટલેગરોએ પોલીસ પર ત્રણ રાઉન્ડ ફાયરિંગ કર્યું હતું. પોલીસે પણ પરિસ્થિતિને કાબૂમાં લેવા માટે જવાબી કાર્યવાહી કરી હતી. આ ઘટનામાં કોઈ જાનહાનિ થઈ નથી, પરંતુ પોલીસે કારમાંથી પોશડોડાનો જથ્થો કબજે કર્યો છે અને ફરાર થયેલા બુટલેગરોને ઝડપી પાડવા માટે નાકાબંધી કરી શોધખોળ શરૂ કરી છે.