સુરતની હાઈફાઈ હોટેલમાં જુગારનો ખેલ, 29 લોકો ઝડપાયા

સુરતના ઇચ્છાપોર વિસ્તારમાં આવેલી સનસિટી હોટેલમાં પોલીસને હાઈપ્રોફાઈલ જુગારધામ મળી આવ્યું છે. હોટેલના રૂમ નંબર 411માં દરોડો પાડી, પોલીસે 29 મહિલાઓ અને પુરુષોને ઝડપ્યા છે.

પોલીસે સ્થળ પરથી ₹3.20 લાખથી વધુ રોકડ, 30 મોબાઈલ અને ગંજીપાના સહિતની સામગ્રી જપ્ત કરી છે. કુલ મળીને વાહનો સહિત ₹24.13 લાખથી વધુનો મુદ્દામાલ કબજે કરવામાં આવ્યો હોવાનું પોલીસે જણાવ્યું છે.

આ તમામ આરોપીઓ સામે જુગારધારા હેઠળ ગુનો નોંધી, ઇચ્છાપોર પોલીસે વધુ તપાસ અને કાયદેસરની કાર્યવાહી શરૂ કરી છે.