રાજકોટમાં 28 વર્ષીય દલિત યુવાન પર છરીથી હત્યા

રાજકોટ શહેરમાં 150 ફૂટ રિંગ રોડ પર આવેલા આંબેડકર સર્કલ પાસે મોડી રાત્રે 28 વર્ષીય પરેશભાઈ ચૌહાણ નામના દલિત યુવાનની છરીના ઘા ઝીં*કી હત્યા કરવામાં આવી છે.

સૂત્રો પાસેથી મળતી વિગતો અનુસાર બાઇક અથડાવા બાબતે મૃ*તક અને રાધે રાઠોડ નામના વ્યક્તિ વચ્ચે અગાઉ માથાકૂટ થઈ હતી. આ વિવાદમાં સમાધાનની વાતચીત દરમિયાન પરેશભાઈ પર છરી વડે હુમલો કરવામાં આવ્યો હતો.

ઘટનાને પગલે પોલીસ દ્વારા વધુ તપાસ હાથ ધરવામાં આવી છે. હત્યા પાછળનું ચોક્કસ કારણ, હુમલામાં સંડોવાયેલા વ્યક્તિઓની ભૂમિકા અને અન્ય વિગતો અંગે પોલીસ તપાસ બાદ વધુ સ્પષ્ટતા થશે.