કામદારના શોષણનો આરોપ: 250થી 300 મજૂરોને નોકરીમાંથી કાઢી મુકાયા

કામદારો દ્વારા રોજિંદા 12 કલાક કામ કરાવવામાં આવતું હોવા છતાં સમયસર પગાર ન મળતો હોવાની ફરિયાદ ઉઠી છે. કામદારોના જણાવ્યા અનુસાર, સતત 30 દિવસ કામ કર્યા બાદ બીમારી કે થાકના કારણે રજા લેવામાં આવે તો પણ પગાર કાપી લેવામાં આવે છે. આ ઉપરાંત, સાત-આઠ મહિના બાદ ગામડે જવા માટે રજા માંગતા એક કામદારને શેઠે પગાર રોકીને નોકરીમાંથી કાઢી મૂક્યા હતા.

આક્ષેપો મુજબ, અઠવાડિયામાં એક રજાની માંગણી કરનાર 250 થી 300 જેટલા મજૂરોને શેઠ દ્વારા નોકરી પરથી દૂર કરવામાં આવ્યા છે. કામદારોનું કહેવું છે કે તેમનું શોષણ થઈ રહ્યું છે અને પોલીસ સહિતના સરકારી વિભાગો પાસેથી માત્ર ખોટા દિલાસા જ મળી રહ્યા છે. આ કારણે તેઓ પોતાના વતન પરત ફરી રહ્યા છે.

કામદારોએ જણાવ્યું કે, જ્યારે શેઠને તેમની જરૂર પડશે ત્યારે તેઓ ફરીથી કામ પર આવી શકે છે. આ ઘટના કામદાર શોષણ અને તેમના અધિકારોના ભંગ અંગે ગંભીર પ્રશ્નો ઉભા કરે છે.