અરવલ્લીની રતનપુર બોર્ડર પર પોલીસનું સઘન ચેકિંગ: દારૂબંધીના કડક અમલ માટે 24 કલાક નાકાબંધી

ભાવનગર લઠ્ઠાકાંડની ઘટના બાદ રાજ્યમાં દારૂબંધીના કડક અમલીકરણ માટે પોલીસ તંત્ર એલર્ટ મોડ પર આવી ગયું છે. આ અંતર્ગત અરવલ્લીની રતનપુર બોર્ડર પર પોલીસ દ્વારા 'રાઉન્ડ ધ ક્લોક' ચેકિંગની કામગીરી શરૂ કરવામાં આવી છે.

રાજસ્થાનથી ગુજરાતમાં પ્રવેશતા તમામ નાના-મોટા વાહનોનું પોલીસ દ્વારા સઘન સર્ચિંગ કરવામાં આવી રહ્યું છે. જિલ્લા હાઇવે ટ્રાફિક પોલીસ અને સ્થાનિક પોલીસના જવાનો દ્વારા સંયુક્ત રીતે આ કામગીરી હાથ ધરવામાં આવી છે.

બોર્ડર પર 24 કલાક નાકાબંધી કરીને વાહન ચેકિંગ કરવામાં આવી રહ્યું છે, જેથી રાજ્યમાં ગેરકાયદેસર દારૂની હેરાફેરીને રોકી શકાય અને કાયદો-વ્યવસ્થાની સ્થિતિ જળવાઈ રહે.