અમદાવાદમાં હેવી વાહનો પર સંપૂર્ણ પ્રતિબંધ, 23થી વધુ વાહનો સામે FIR દાખલ

અમદાવાદ પોલીસ કમિશનર સાહેબના આદેશ મુજબ, નવરાત્રીના તહેવારને ધ્યાનમાં રાખીને, શહેરમાં સવારના 8:00 વાગ્યાથી રાત્રિના 2:00 વાગ્યા સુધી તમામ હેવી અને ભારે વાહનોના પ્રવેશ પર સંપૂર્ણ પ્રતિબંધ લાગુ કરવામાં આવ્યો.

આ જાહેરનામાનો ભંગ કરીને શહેરમાં પ્રવેશ કરનાર 23થી વધુ મોટા હેવી વાહનો અને ડમ્પરો સામે એસ.જી. હાઈવે ટ્રાફિક પોલીસ દ્વારા એફ.આઈ.આર. દાખલ કરવામાં આવી અને કાયદેસરની કડક કાર્યવાહી કરવામાં આવી.

આ પગલાંનો ઉદ્દેશ શહેરમાં સલામતી અને ટ્રાફિક વ્યવસ્થા જાળવવાનો છે. નાગરિકોને વિનંતી કરવામાં આવે છે કે તેઓ નિયમોનું પાલન કરે.