Local
વડોદરામાં જાહેરમાં કચરો-ગંદકી કરનાર 23 દુકાનો સીલ, 45 હજારનો દંડ વસૂલ
વડોદરા મ્યુનિસિપલ કોર્પોરેશન દ્વારા જાહેર માર્ગો પર ગંદકી કરનાર વેપારીઓ સામે કડક કાર્યવાહી હાથ ધરવામાં આવી છે. 23 દુકાનો સીલ કરીને કુલ 45,000 રૂપિયાનો દંડ વસૂલાયો છે.
વડોદરા શહેરને સ્વચ્છ રાખવા માટે મ્યુનિસિપલ કોર્પોરેશન દ્વારા જાહેર માર્ગો પર કચરો-ગંદકી કરનાર વેપારીઓ સામે કડક કાર્યવાહી હાથ ધરવામાં આવી છે. પાલિકાના નિયમ મુજબ દરેક દુકાનદારે જરૂરી છે કે તેઓ દુકાનની બહાર બે અલગ-અલગ કચરાના ડબ્બા અને સૂકા કચરા માટે સ્ટેન્ડ રાખે. સોલિડ વેસ્ટ મેનેજમેન્ટ રૂલ્સ 2024ના નિયમ 4(1) અને 4(8) મુજબ, જો ઉલ્લંઘન કરનાર દુકાનની આસપાસના 10 મીટરના વિસ્તારમાં કચરો કે ગંદકી જોવા મળશે, તો પાલિકા દ્વારા કડક કાર્યવાહી કરવામાં આવશે.
પશ્ચિમ અને પૂર્વ ઝોનના વિવિધ વિસ્તારોમાં જાહેર માર્ગ પર કચરો નાખવા અને ગંદકી કરવા બદલ કુલ 23 દુકાનોને સીલ કરવામાં આવી છે. આમાં વાસણા-ટીમલા રોડ પર 10 અને નવા વાઘોડિયા રોડ પર જનમહલની 7 સહિતની દુકાનોનો સમાવેશ થાય છે. ઉપરાંત, સેન્ટ્રલ અને સોલિડ વેસ્ટ ટીમે જાહેર માર્ગ પર કચરો નાખી ગંદકી કરવા બદલ 3 વધુ એકમોને સીલ કર્યા છે.
કચરાના નિયમોનું પાલન ન કરવા બદલ કુલ 45,000 રૂપિયાનો દંડ વસૂલાયો છે. જેમાં 11મા મકરંદ દેસાઈ રોડ પર C&D વેસ્ટ નાખવા બદલ 10,000 રૂપિયા, દિવાળીપુરામાં ગંદકી કરવા બદલ સોલિડ ઇન્ફ્રા રેસ્ટોરન્ટના 6 એકમો સીલ કરી 12,000 રૂપિયા, વોર્ડ 12માં વરસાદ રોડ પર રિસાયકલ નાખવા બદલ 20,000 રૂપિયા અને મિલન વગરિયા બિલ્ડ પાસે મ્યુનિ. જંગા રેસ્ટોરાંમાં સિંગલ યૂઝ પ્લાસ્ટિક જમા કરવા બદલ 3,000 રૂપિયાનો દંડ લેવાયો છે. ફતેગંજ અને સયાજીગંજ વિસ્તારમાં સરપ્રાઈઝ ચેકિંગ દરમિયાન ગંદકી બદલ 4 દુકાનો સીલ કરી અને એક કંપનીને નોટિસ ફટકારવામાં આવી છે.
શહેરીજનોની માંગ છે કે કોર્પોરેશન આવી કડક કાર્યવાહી કાયમી ધોરણે ચાલુ રાખે. જાહેર માર્ગો પર ગંદકી કરનાર રાહદારીઓ કે શહેરીજનો સામે પણ દંડ ફટકારવામાં આવે તેવી માંગ ઉઠી છે. સ્વચ્છતા અભિયાનનો ભાગરૂપે શહેરના વિવિધ સ્થળોએ હોર્ડિંગ લગાવીને જનચેતના વધારવામાં આવશે અને ચૂંટાયેલા કોર્પોરેટરો પણ પોતાના વોર્ડમાં જન આરોગ્ય માટે સક્રિય રીતે કાર્ય કરશે.
પશ્ચિમ અને પૂર્વ ઝોનના વિવિધ વિસ્તારોમાં જાહેર માર્ગ પર કચરો નાખવા અને ગંદકી કરવા બદલ કુલ 23 દુકાનોને સીલ કરવામાં આવી છે. આમાં વાસણા-ટીમલા રોડ પર 10 અને નવા વાઘોડિયા રોડ પર જનમહલની 7 સહિતની દુકાનોનો સમાવેશ થાય છે. ઉપરાંત, સેન્ટ્રલ અને સોલિડ વેસ્ટ ટીમે જાહેર માર્ગ પર કચરો નાખી ગંદકી કરવા બદલ 3 વધુ એકમોને સીલ કર્યા છે.
કચરાના નિયમોનું પાલન ન કરવા બદલ કુલ 45,000 રૂપિયાનો દંડ વસૂલાયો છે. જેમાં 11મા મકરંદ દેસાઈ રોડ પર C&D વેસ્ટ નાખવા બદલ 10,000 રૂપિયા, દિવાળીપુરામાં ગંદકી કરવા બદલ સોલિડ ઇન્ફ્રા રેસ્ટોરન્ટના 6 એકમો સીલ કરી 12,000 રૂપિયા, વોર્ડ 12માં વરસાદ રોડ પર રિસાયકલ નાખવા બદલ 20,000 રૂપિયા અને મિલન વગરિયા બિલ્ડ પાસે મ્યુનિ. જંગા રેસ્ટોરાંમાં સિંગલ યૂઝ પ્લાસ્ટિક જમા કરવા બદલ 3,000 રૂપિયાનો દંડ લેવાયો છે. ફતેગંજ અને સયાજીગંજ વિસ્તારમાં સરપ્રાઈઝ ચેકિંગ દરમિયાન ગંદકી બદલ 4 દુકાનો સીલ કરી અને એક કંપનીને નોટિસ ફટકારવામાં આવી છે.
શહેરીજનોની માંગ છે કે કોર્પોરેશન આવી કડક કાર્યવાહી કાયમી ધોરણે ચાલુ રાખે. જાહેર માર્ગો પર ગંદકી કરનાર રાહદારીઓ કે શહેરીજનો સામે પણ દંડ ફટકારવામાં આવે તેવી માંગ ઉઠી છે. સ્વચ્છતા અભિયાનનો ભાગરૂપે શહેરના વિવિધ સ્થળોએ હોર્ડિંગ લગાવીને જનચેતના વધારવામાં આવશે અને ચૂંટાયેલા કોર્પોરેટરો પણ પોતાના વોર્ડમાં જન આરોગ્ય માટે સક્રિય રીતે કાર્ય કરશે.