હિંમતનગરમાં 'રાખી મેળા-2026'નો પ્રારંભ: ધારાસભ્ય વી.ડી. ઝાલાના હસ્તે ઉદ્ઘાટન

હિંમતનગર ખાતે આજે દિનદયાળ અંત્યોદય યોજના – રાષ્ટ્રીય શહેરી આજીવિકા મિશન અંતર્ગત 'રાખી મેળા-2026'નું ભવ્ય આયોજન કરવામાં આવ્યું હતું. આ મેળાનું ઉદ્ઘાટન ધારાસભ્ય વી.ડી. ઝાલાના વરદહસ્તે કરવામાં આવ્યું હતું.

આ પ્રસંગે ધારાસભ્યએ મહિલા સ્વસહાય જૂથો દ્વારા તૈયાર કરવામાં આવેલી વિવિધ રાખડીઓ અને હસ્તકલાના ઉત્પાદનોનું નિરીક્ષણ કર્યું હતું. તેમણે મહિલાઓની આત્મનિર્ભરતા તરફની આ પહેલને બિરદાવી હતી અને તેમના ઉજ્જવળ ભવિષ્ય માટે શુભકામનાઓ પાઠવી હતી.

આ કાર્યક્રમમાં જિલ્લા મહામંત્રી બિપીનભાઈ ઓઝા, નગરપાલિકા પ્રમુખ અરુણાબેન કડિયા, સાબરકાંઠા મહિલા મોરચા પ્રભારી જીનલબેન પટેલ, કૌશલ્યા કુવરબા પરમાર, શહેર મહામંત્રી પરીક્ષિતભાઈ વખારીયા, મહિલા મોરચા પ્રમુખ કાજલબેન દોશી અને ચીફ ઓફિસર ઉપેન્દ્રભાઈ ગઢવી સહિત વિવિધ સમિતિઓના ચેરમેન, કોર્પોરેટરો અને મોટી સંખ્યામાં નગરજનો ઉપસ્થિત રહ્યા હતા.