નડિયાદમાં નવરંગ નવરાત્રી મહોત્સવ 2026 નો ભવ્ય શુભારંભ: અનેક મહાનુભાવોની ઉપસ્થિતિ

નડિયાદ ખાતે સુપ્રસિદ્ધ નવરંગ નવરાત્રી મહોત્સવ 2026 નો ભવ્ય શુભારંભ થયો છે. આ પાવન પ્રસંગે પવિત્ર આરતી અને ઉદ્ઘાટન સમારોહ યોજાયો હતો, જેમાં ઉપસ્થિત રહી મા અંબાની આરાધના કરવામાં આવી અને મહોત્સવનો શુભ પ્રારંભ કરાવવામાં આવ્યો.

આ ઉદ્ઘાટન પ્રસંગે સાંસદશ્રી દેવુસિંહ ચૌહાણ, ધારાસભ્ય શ્રી નડિયાદ પંકજ ભાઈ દેસાઈ, નડિયાદના મેયરશ્રી મનીષભાઈ પટેલ, ડેપ્યુટી મેયરશ્રી કલ્પેશભાઈ રાવલ, સ્ટેન્ડિંગ કમિટીના ચેરમેનશ્રી પરાગભાઈ તેમજ મા શક્તિ ચેરિટેબલ ટ્રસ્ટના ટ્રસ્ટીશ્રીઓ સહિત અનેક મહાનુભાવો ઉપસ્થિત રહ્યા હતા. તેમની ગરિમામય ઉપસ્થિતિએ મહોત્સવની શોભામાં અભિવૃદ્ધિ કરી હતી.

મા અંબાના આશીર્વાદ સાથે શરૂ થયેલો આ નવરાત્રી મહોત્સવ ભક્તિ, આસ્થા, પરંપરા અને ગરબાના રંગે રંગાયેલો છે. મહોત્સવનો પ્રારંભ શ્રદ્ધા અને ઉત્સાહના અનોખા સંગમ સમાન બન્યો હતો, જે સૌને આનંદિત કરનારો રહ્યો.