હિંમતનગર: કાંકણોલ ખાતે ‘રંગતાળી 2026’ નવરાત્રિ મહોત્સવમાં ખેલૈયાઓ ગરબે ઘૂમ્યા, સિદ્ધાર્થભાઈ પટેલની ઉપસ્થિતિમાં મહાઆરતી

સાબરકાંઠા જિલ્લાના મુખ્ય મથક હિંમતનગર નજીક આવેલા કાંકણોલ સ્થિત કળશ પાર્ટી પ્લોટ ખાતે નવરાત્રિ પર્વ નિમિત્તે ‘રંગતાળી 2026’ નવરાત્રિ મહોત્સવનું ભવ્ય આયોજન કરવામાં આવ્યું છે. આદ્યશક્તિની આરાધનાના પાવન પર્વ નવરાત્રિના બીજા દિવસે આયોજન સ્થળે ખેલૈયાઓ અને દર્શકોમાં અભૂતપૂર્વ ઉત્સાહ અને ઉમંગ જોવા મળ્યો હતો.

નવરાત્રિના બીજા નોરતે શામળાજી વિષ્ણુ મંદિરના ટ્રસ્ટી સિદ્ધાર્થભાઈ પટેલ ખાસ ઉપસ્થિત રહ્યા હતા. તેમણે અંબાજી માતાજીની ભાવપૂર્વક આરતી ઉતારીને ધાર્મિક વિધિ સંપન્ન કરી હતી અને મા જગદંબાના આશીર્વાદ મેળવ્યા હતા.

મહાઆરતી બાદ મ્યુઝિક સિસ્ટમ અને ગાયકોના તાલબદ્ધ સૂર સાથે જ ગરબાની રમઝટ શરૂ થઈ હતી. પરંપરાગત પોશાકમાં સજ્જ ખેલૈયાઓએ ઝૂમીને અને ગરબાના તાલે ઘૂમીને ઉત્સાહભેર ભાગ લીધો હતો, જેનાથી વાતાવરણ ભક્તિમય અને આનંદમય બન્યું હતું.