કામરેજના સેગવા ગામે ફેક્ટરીમાંથી રૂ. 1.94 લાખની રોકડ ચોરી

કામરેજ તાલુકાના સેગવા ગામમાં આવેલી ગોપીન ઇન્ડસ્ટ્રીઝમાં કાર્યરત પ્રયોશા કંપનીમાં તસ્કરોએ હાથફેરો કર્યો હતો. ચોર ટોળકીએ કંપનીના પાછળના દરવાજાને નિશાન બનાવી તેને તોડી નાખ્યું હતું અને ત્યારબાદ ઓફિસમાં પ્રવેશ કર્યો હતો.

તસ્કરો કંપનીની ઓફિસમાંથી રોકડા રૂ. 1.94 લાખની ચોરી કરીને અંધારાનો લાભ ઉઠાવી ફરાર થઈ ગયા હતા. આ સમગ્ર ઘટના કંપનીમાં લાગેલા CCTV કેમેરામાં કેદ થઈ ગઈ છે.

ઘટનાની જાણ થતાં જ કામરેજ પોલીસને જાણ કરવામાં આવી હતી. પોલીસે ઘટનાસ્થળે પહોંચી તપાસ હાથ ધરી છે અને CCTV ફૂટેજના આધારે ગુનો નોંધી ચોર ટોળકીને ઝડપી પાડવા માટે ચક્રો ગતિમાન કર્યા છે.