ખેડબ્રહ્મામાં પોલીસની કાર્યવાહી: ગણતરીના કલાકોમાં ચોરીની બે બાઈક પકડી, 19 વર્ષીય આરોપી ઝડપાયો

સાબરકાંઠા જિલ્લાના ખેડબ્રહ્મામાં પોલીસ દ્વારા ચોરીના કિસ્સામાં મહત્વની કાર્યવાહી કરવામાં આવી છે. ખેડબ્રહ્મા અને હિંમતનગર વિસ્તારમાંથી ચોરી થયેલી બે બાઈકને ગણતરીના કલાકોમાં પકડી પાડવામાં સફળતા મળી છે. પોલીસે આ બે બાઈકનો કબ્જો લઈ લીધો છે.

આ મામલે પોલીસે કોટડા છાવણીના 19 વર્ષીય મહોમદ સાહિલ શેખની ધરપકડ કરી છે. પકડાયેલી બાઈકમાં GJ-08 અને GJ-09 નંબરની બે HF ડિલક્સ બાઈકનો સમાવેશ થાય છે. પોલીસે આ બાઈકને ચોરીના માલ તરીકે જપ્ત કરી લીધી છે.

પોલીસ સૂત્રો મુજબ, આરોપી મહોમદ સાહિલ શેખ રીઢો ગુનેગાર છે. તે અગાઉ ચાર અલગ-અલગ ગુનામાં પકડાયેલો છે. હાલમાં પોલીસ દ્વારા આરોપી વિરુદ્ધ વધુ તપાસ કરવામાં આવી રહી છે.