મુંબઈમાંથી 16 વર્ષીય સગીરાનું અપહરણ, 24 વર્ષીય યુવકને સુરતમાં ધરપકડ કરી વરાછા પોલીસને હવાલે

24 વર્ષીય સુલતાને મુંબઈની 16 વર્ષીય સગીરાને લલચાવી-ફોસલાવી સુરતમાં લઈ ગયા અને બંને સુરતના પોડ્દાર આર્કેડ નજીક રાત્રિ દરમિયાન રોકાયા હતા.

સુરતમાં પહોંચ્યા બાદ સગીરાની સાથે ફોન વેચવાની યોજના હતી, પરંતુ દુકાનદારને શંકા થઈ અને ઓળખપત્ર માંગ્યા. સુલતાન દ્વારા રજૂ કરેલા દસ્તાવેજો અને સગીરાની પૂછપરછમાં બંને અલગ-અલગ ધર્મના હોવાનું બહાર આવ્યું, જેના કારણે મામલો સામે આવ્યો.

સ્થાનિક લોકો અને હિન્દુ પરિષદના કાર્યકરોને જાણ થઈ અને તેમણે બંનેને વરાછા પોલીસ મથકે લઈ જઈ પોલીસના હવાલે કર્યા. વરાછા પોલીસએ પ્રાથમિક તપાસમાં જાણવા મળ્યું કે મુંબઈ પોલીસમાં સગીરાના અપહરણનો ગુનો પહેલેથી નોંધાયેલો હતો.

મુંબઈ પોલીસ અને સગીરાના પરિવારજનોને તાત્કાલિક સંપર્ક કરવામાં આવ્યો. મુંબઈ પોલીસ ટીમ સુરત પહોંચ્યા બાદ બંનેનો કબજો સોંપવાની તજવીજ હાથ ધરશે.