કંબોઈધામમાં ભગવાન બિરસા મુંડાની 151મી જન્મજયંતી પર જનજાતીય ગૌરવ દિવસની ભવ્ય ઉજવણી

કંબોઈધામ, દાહોદ જિલ્લામાં, ભગવાન બિરસા મુંડાની 151મી જન્મજયંતી નિમિત્તે જનજાતીય ગૌરવ દિવસની ભવ્ય ઉજવણી યોજાઈ. રાજ્યમંત્રી પ્રવીણભાઈ માળીની અધ્યક્ષતામાં 7,000થી વધુ લોકો ઉપસ્થિત રહ્યા.

કાર્યક્રમની શરૂઆત ઢોલ-કુંડીના પરંપરાગત નાદ સાથે થઈ, ત્યારબાદ ભગવાન ગોવિંદ ગુરુના સમાધિ સ્થળે દર્શન, આરતી, પૂજા-અર્ચના, માલ્યાર્પણ, હવનવિધિ અને ધ્વજારોહણ કરવામાં આવ્યા.

આદિવાસી સમાજની સંસ્કૃતિને ઉજાગર કરવા પરંપરાગત લોકનૃત્યો અને સાંસ્કૃતિક કાર્યક્રમો યોજાયા. રાજ્યમંત્રી પ્રવીણભાઈ માળીએ આદિવાસી ક્રાંતિકારીઓના શૌર્ય, સંઘર્ષ અને બલિદાનને યાદ કરીને 2021થી જનજાતીય ગૌરવ દિવસની ઉજવણીની શરૂઆતની વાત કરી.

વન અધિકાર અધિનિયમ હેઠળ 400થી વધુ લાભાર્થીઓને વન અધિકાર પત્રો સહિતના લાભોનું વિતરણ કરવામાં આવ્યું. આવાસ યોજના, કુંવરબાઈનું મામેરું અને મંડપ યોજના હેઠળ ચેક, મંજૂરીપત્રો અને સહાય પણ વિતરણ કરવામાં આવી.

વડાપ્રધાન નરેન્દ્રભાઈ મોદીએ વર્ચ્યુઅલ સંબોધન કર્યું, 'એક પેડ મા કે નામ' અભિયાન હેઠળ વૃક્ષારોપણ અને પર્યાવરણ સંરક્ષણનો સંદેશ આપ્યો. કાર્યક્રમમાં જિલ્લા વિકાસ અધિકારી હિરેન બારોટ, ધારાસભ્ય મહેશભાઈ ભૂરિયા, ડો. કુબેરભાઈ ડીંડોર અને અન્ય અધિકારીઓ ઉપસ્થિત રહ્યા.