ભરૂચમાં ફૂડ પોઈઝનિંગના આક્ષેપ: 12 વર્ષીય બાળકનું મોત

ભરૂચના પાલેજ પંથકમાં ફૂડ પોઈઝનિંગના આક્ષેપ વચ્ચે 12 વર્ષીય પૂર્વ પટેલનું મોત થયું છે. પરિવારના જણાવ્યા અનુસાર, તેમણે સાગર ફ્રાય એન્ડ ચાઈનીઝ સેન્ટરમાંથી વાનગી લીધી હતી, જેના બાદ બાળકને ઝાડા અને ઉલ્ટી થવા લાગ્યા હતા.

તબીયત લથડતા, પરિવાર દ્વારા બાળકને તાત્કાલિક વડોદરાની હોસ્પિટલમાં ખસેડવામાં આવ્યો હતો. ત્યાં સારવાર દરમિયાન, બાળકએ અંતિમ શ્વાસ લીધા, જેના કારણે પરિવારમાં શોકનો માહોલ છવાયો છે.

ઘટનાને પગલે ફૂડ એન્ડ ડ્રગ વિભાગની ટીમે રેસ્ટોરન્ટમાં તપાસ શરૂ કરી છે. ચોમાસામાં ખુલ્લી વાનગીઓના વેચાણને લઈને આરોગ્ય સલામતી અંગે પ્રશ્નો ઉઠી રહ્યા છે.

પોસ્ટમોર્ટમ રિપોર્ટ બાદ હકીકત સ્પષ્ટ થશે, જે બાદ પોલીસ કાર્યવાહી કરવામાં આવશે, તેમ પાલેજ પોલીસ ઇન્સ્પેક્ટરએ જણાવ્યું છે.