ભરૂચ-નર્મદા જિલ્લામાં 12થી 16 ઓગસ્ટ દરમિયાન વરસાદી માહોલની આગાહી

ભરૂચ-નર્મદા જિલ્લામાં 12થી 16 ઓગસ્ટ દરમિયાન વરસાદી માહોલ યથાવત રહેવાની આગાહી કરવામાં આવી છે. નર્મદા જિલ્લામાં શરૂઆતના દિવસોમાં ભારે વરસાદ બાદ મધ્યમથી હળવો વરસાદ થવાની શક્યતા છે. હવામાં 95% જેટલો ભેજ રહેવાની સાથે 13થી 16 કિમી/કલાકની ઝડપે પવન ફૂંકાઈ શકે છે.

ભરૂચ જિલ્લામાં આગામી પાંચ દિવસ દરમિયાન હળવાથી મધ્યમ વરસાદની શક્યતા છે. હવામાન વિભાગની આગાહી મુજબ આશરે 3 ઈંચ જેટલો વરસાદ નોંધાઈ શકે છે.

બદલતા હવામાનને ધ્યાનમાં રાખી, ખેડૂતોને પાક અને ખેતીવાડી કામગીરીમાં જરૂરી તકેદારી રાખવા અપીલ કરવામાં આવી છે.