સુરતની લાજપોર જેલમાં ગેરકાયદેકારીનો પર્દાફાશ, 11 મોબાઈલ મળતાં 8 કર્મચારીઓને સસ્પેન્ડ

સુરતની લાજપોર મધ્યસ્થ જેલમાં હોટેલ જેવી સવલતો અને ચાલતા ગેરકાયદે ગોરખધંધા સામે આખરે વડી કચેરી દ્વારા કડક શિસ્તભંગનાં પગલાં ભરવામાં આવ્યા છે. અમદાવાદની સ્પેશિયલ જેલ ઝડતી સ્ક્વોડે પાડેલા સરપ્રાઇઝ દરોડા દરમિયાન બેરેકમાંથી 11 એન્ડ્રોઇડ મોબાઈલ મળી આવ્યા હતા.

કેદીઓને અપાતી લક્ઝુરિયસ ટ્રીટમેન્ટ અને ખુલ્લેઆમ ચાલતા વહીવટનો પર્દાફાશ થતાં સમગ્ર જેલ આલમમાં ભારે ખળભળાટ મચી ગયો છે. આ મામલે વડી કચેરીની ગુપ્ત તપાસમાં તમામ ગંભીર આરોપો સાચા સાબિત થયા હોવાનું જણાવાયું છે.

તપાસના અંતિમ અહેવાલના આધારે તાત્કાલિક ધોરણે 2 હવાલદાર, 3 સુબેદાર અને 3 સિપાહીને સસ્પેન્ડ કરવામાં આવ્યા છે. આ પગલાંથી જેલ વહીવટમાં સુધારા માટે વડી કચેરી દ્વારા કડક કાર્યવાહી કરવામાં આવી રહી છે.