దాబా (బి) గ్రామంలో 11 మందికి నూతన పింఛన్ ప్రొసీడింగ్ కాపీలు అందజేత
ఇచ్చోడ: ఎమ్మెల్యే అనిల్ జాదవ్ సహకారం, గ్రామ సర్పంచ్ ఈశ్వర్ చొరవతో ఇచ్చోడ మండలం దాబా (బి) గ్రామానికి చెందిన 11 మందికి నూతన పింఛన్లు మంజూరయ్యాయి. మహిళలు, వితంతువులు, దివ్యాంగులకు పెన్షన్లు మంజూరు చేయించేందుకు సర్పంచ్ ప్రత్యేకంగా కృషి చేశారు. ఈ సందర్భంగా లబ్ధిదారులకు పింఛన్ ప్రొసీడింగ్ కాపీలు అందజేశారు. ఎన్నో ఏళ్లుగా పెన్షన్ల కోసం ఎదురుచూస్తున్న తమకు ఇప్పుడు మంజూరు కావడంతో లబ్ధిదారులు హర్షం వ్యక్తం చేశారు. సహకరించిన ఎమ్మెల్యే అనిల్ జాదవ్, సర్పంచ్ ఈశ్వర్కు గ్రామస్తులు కృతజ్ఞతలు తెలిపారు.