ભરૂચમાં ભારત પેટ્રોલિયમ દ્વારા 10 કિલોના નવા લાઈટવેટ ભારત ગેસ સિલિન્ડરનું લોન્ચિંગ

ભારત પેટ્રોલિયમ દ્વારા ભરૂચમાં ભારત ગેસના નવા 10 કિલોના લાઈટવેટ સિલિન્ડરનું સત્તાવાર લોન્ચિંગ કરવામાં આવ્યું છે. આ કાર્યક્રમમાં ભરૂચના મામલતદાર શ્રીમતી માધવીબેન મિસ્ત્રી સહિત વિવિધ ક્ષેત્રના મહાનુભાવો વિશેષ ઉપસ્થિત રહ્યા હતા.

આ નવા સિલિન્ડરની વિશેષતા તેના વજનમાં હળવાશ છે, જે ગ્રાહકો માટે ગેસ સિલિન્ડરની હેરફેરને સરળ બનાવશે. આ લોન્ચિંગ પ્રસંગે ઉપસ્થિત મહાનુભાવોએ આશા વ્યક્ત કરી હતી કે, આ નવા સિલિન્ડરથી ઘરેલુ તેમજ નાના વ્યવસાયિક ગ્રાહકોને ગેસ મેળવવામાં વધુ સુવિધા અને સરળતા પ્રાપ્ત થશે.

ભારત પેટ્રોલિયમની આ નવી પહેલથી સ્થાનિક ગ્રાહકોને ગેસ વિતરણ વ્યવસ્થામાં વધુ રાહત મળશે તેવી અપેક્ષા રાખવામાં આવી રહી છે.