ગાંધીનગરના કુડાસણમાં નિર્માણાધીન ઇમારતનું ધાબું ધસી, 10થી વધુ શ્રમિકો ઈજાગ્રસ્ત, ગૃહમંત્રી હર્ષ સંઘવી તાત્કાલિક પહોંચ્યા

ગાંધીનગરના કુડાસણ વિસ્તારમાં નિર્માણાધીન ઇમારતનું ધાબું ધસી પડતાં મોટી હોનારત સર્જાઈ છે.

પ્રાથમિક અહેવાલો મુજબ 10થી વધુ શ્રમિકો ઈજાગ્રસ્ત થયા છે અને અનેક લોકો કાટમાળ નીચે ફસાયા હોવાની આશંકા છે.

ઘટનાની ગંભીરતા જોતાં જ ગૃહમંત્રી હર્ષ સંઘવી તાત્કાલિક સ્થળ પર પહોંચ્યા છે અને રેસ્ક્યુ કામગીરીનો તાગ મેળવ્યો છે.

ફાયર બ્રિગેડની 4 ગાડીઓ દ્વારા કાટમાળ હટાવીને શ્રમિકોને સુરક્ષિત બહાર કાઢવાની કામગીરી યુદ્ધના ધોરણે ચાલી છે.