સુરતના 10 લાખથી વધુ કાપડ શ્રમિકોને મળશે સાપ્તાહિક રજા: તંત્રએ પરિપત્ર કર્યો જાહેર
સુરત શહેરમાં છેલ્લા 4 વર્ષથી માંગણી કરાયેલી સાપ્તાહિક રજાની માંગ આખરે પૂરી થઈ છે. સુરત જિલ્લા કલેક્ટર અને નાયબ શ્રમ આયુક્તની કચેરી દ્વારા આ અંગેનો સત્તાવાર પરિપત્ર જાહેર કરાયો છે, જેનાથી શ્રમિકોમાં ખુશીનો માહોલ છે.
સુરત શહેરમાં એમ્બ્રોઇડરી સહિતના અલગ-અલગ યુનિટમાં કામ કરતા 10 લાખથી વધુ શ્રમિકો માટે રાહતના સમાચાર સામે આવ્યા છે. છેલ્લા 4 વર્ષથી જે માંગણી કરવામાં આવી રહી હતી, તે આખરે પૂરી થઈ છે અને હવે તેમને સાપ્તાહિક રજા અચૂક મળશે. સુરત જિલ્લા કલેક્ટર અને નાયબ શ્રમ આયુક્તની કચેરી તરફથી આ અંગેનો એક સત્તાવાર પરિપત્ર જાહેર કરવામાં આવ્યો છે. સાપ્તાહિક રજા અને હકના વેતન સહિતની અન્ય માંગોને લઈ આ પરિપત્ર જાહેર થતાં શ્રમિક વર્ગમાં ભારે ઉત્સાહનો માહોલ જોવા મળી રહ્યો છે.
ઉલ્લેખનીય છે કે, પોતાની પડતર માંગણીઓ અને શોષણને લઈને 1 ઓક્ટોબરના રોજ શ્રમિકો દ્વારા સુરત જિલ્લા કલેક્ટર કચેરી ખાતે વિશાળ ધરણાં પ્રદર્શન કરવામાં આવનાર હતું. પરંતુ, આ આંદોલન ઉગ્ર બને તેના બરાબર 1 દિવસ પહેલા જ વહીવટીતંત્ર હરકતમાં આવ્યું હતું.
નાયબ આયુક્તની કચેરીમાંથી સુરત ચેમ્બર ઓફ કોમર્સ અને ટેક્સટાઇલ એમ્બ્રોઇડરી જોબ વર્ક એસોસિએશન (TEJAS) ને તાત્કાલિક અસરથી આ પરિપત્ર પાઠવવામાં આવ્યો છે, જેમાં શ્રમિકોને સાપ્તાહિક રજા આપવાની જોગવાઈ કરવામાં આવી છે. આ નિર્ણયથી કાપડ ઉદ્યોગ સાથે સંકળાયેલા લાખો શ્રમિકોને મોટી રાહત મળી છે.
ઉલ્લેખનીય છે કે, પોતાની પડતર માંગણીઓ અને શોષણને લઈને 1 ઓક્ટોબરના રોજ શ્રમિકો દ્વારા સુરત જિલ્લા કલેક્ટર કચેરી ખાતે વિશાળ ધરણાં પ્રદર્શન કરવામાં આવનાર હતું. પરંતુ, આ આંદોલન ઉગ્ર બને તેના બરાબર 1 દિવસ પહેલા જ વહીવટીતંત્ર હરકતમાં આવ્યું હતું.
નાયબ આયુક્તની કચેરીમાંથી સુરત ચેમ્બર ઓફ કોમર્સ અને ટેક્સટાઇલ એમ્બ્રોઇડરી જોબ વર્ક એસોસિએશન (TEJAS) ને તાત્કાલિક અસરથી આ પરિપત્ર પાઠવવામાં આવ્યો છે, જેમાં શ્રમિકોને સાપ્તાહિક રજા આપવાની જોગવાઈ કરવામાં આવી છે. આ નિર્ણયથી કાપડ ઉદ્યોગ સાથે સંકળાયેલા લાખો શ્રમિકોને મોટી રાહત મળી છે.