ரோஜா நகர் பகுதியில் புதிய ஆழ்துளைக் கிணறு திறப்பு: டாக்டர் K. நாராயணசாமி மின்மோட்டாரை இயக்கி பொதுமக்கள் பயன்பாட்டிற்கு கொண்டு வந்தார்

புதுச்சேரி, உழவர்கரை தொகுதிக்குட்பட்ட மூலக்குளம் ரோஜா நகர் பகுதியில் பொதுப்பணித்துறையின் பொதுச் சுகாதாரப் பிரிவு சார்பில் ரூ.17,23,139/- மதிப்பீட்டில் புதிய ஆழ்துளைக் கிணறு அமைக்கப்பட்டு, மின்மோட்டார் மற்றும் நீரேற்று வசதிகள் ஏற்படுத்தப்பட்டன.

இந்தப் பணிகள் நிறைவடைந்ததைத் தொடர்ந்து, உழவர்கரை தொகுதி சட்டமன்ற உறுப்பினர் டாக்டர் திரு. K. நாராயணசாமி அவர்கள் நீரேற்று நிலையத்தைத் திறந்து வைத்து, மின்மோட்டாரை இயக்கி பொதுமக்கள் பயன்பாட்டிற்குக் கொண்டு வந்தார்.

திறப்பு விழாவில் பொதுப்பணித்துறை அதிகாரிகள், பொறியாளர்கள் மற்றும் அகில இந்திய என்.ஆர். காங்கிரஸ் கட்சி நிர்வாகிகள், தொண்டர்கள் மற்றும் அப்பகுதி முக்கியப் பிரமுகர்கள் கலந்து கொண்டனர்.

இந்த புதிய நீரேற்று வசதி, ரோஜா நகர் மற்றும் சுற்றியுள்ள கிராமப்புற மக்களுக்கு நீர்வழங்கல் சிக்கல்களை தீர்க்கும் முக்கியமான படியாகும், மேலும் பொதுச் சுகாதார மேம்பாட்டிலும் உதவும்.