तालुका प्रतिनिधी: किशोर पवार | जिल्हा प्रतिनिधी: काशिनाथ देसलेदिनांक: ७ सप्टेंबर २०२६शिरवली परिसरात गौरी-गणपती सणानिमित्त भव्य मोफत सेवा आणि साहित्य वाटप शिबिराचे आयोजन

तालुका प्रतिनिधी: किशोर पवार | जिल्हा प्रतिनिधी: काशिनाथ देसलेदिनांक: ७ सप्टेंबर २०२६शिरवली परिसरात गौरी-गणपती सणानिमित्त भव्य मोफत सेवा आणि साहित्य वाटप शिबिराचे आयोजन!शिरवली:येथील परिसरात गौरी-गणपती सणाचे औचित्य साधून माजी सरपंच तानाजी घागस व शालेय समिती अध्यक्ष नरेश सुरोशे यांच्या विशेष आयोजनातून आणि 'शेट नानजी भाई खिमजीभाई ठक्कर ठाणावाला' यांच्या माध्यमातून एका भव्य समाजोपयोगी वस्तूंचे वाटप कार्यक्रमाचे यशस्वी आयोजन करण्यात आले. या कार्यक्रमात परिसरातील शेतकरी, महिला आणि विद्यार्थ्यांसाठी विविध कल्याणकारी उपक्रमांचे राबवणूक करण्यात आली.विविध साहित्यांचे मोफत वाटप आणि उपक्रम:सणाचे औचित्य साधून शिरवली परिसरातील गरजू महिलांना मोफत साड्यांचे वाटप करण्यात आले. तसेच, स्थानिक शेतकऱ्यांना शेतीसाठी अत्यंत उपयुक्त असणारे पूरक साहित्य आणि कोयते वाटप करण्यात आले.शिक्षण आणि आरोग्यावर विशेष भर:विद्यार्थ्यांच्या उज्वल भविष्यासाठी शैक्षणिक साहित्य वाटप करण्यात आले, तसेच त्यांच्या डिजिटल शिक्षणासाठी एका नवीन सुसज्ज कॉम्प्युटर प्रशिक्षण लॅबचे उद्घाटनही या प्रसंगी करण्यात आले. याशिवाय, ग्रामस्थांच्या आरोग्याची काळजी घेत मोफत नेत्र तपासणी व शस्त्रक्रिया (ऑपरेशन) शिबिराचे आयोजन करण्यात आले होते, ज्याचा अनेक नागरिकांनी लाभ घेतला.प्रमुख मान्यवरांची उपस्थिती:या संपूर्ण कार्यक्रमाला संस्थापक अध्यक्ष नानजीभाई खिमजीभाई ठक्कर ठाणावाला हे स्वतः उपस्थित होते. त्यांच्यासोबतच 'श्री शक्ती'च्या मुरबाड तालुका सामाजिक कार्यकर्त्या सुवर्णाताई ठाकरे, 'डी वाय फाउंडेशन'च्या ठाणे जिल्हा महिला अध्यक्षा चारुशीला गायकर, भाजपच्या ठाणे जिल्हा महिला उपाध्यक्ष कल्पना पवार आणि आरपीआय मुरबाडचे पदाधिकारी व इतर मान्यवर मोठ्या संख्येने उपस्थित होते.हा कार्यक्रम यशस्वी करण्यासाठी स्थानिक कार्यकर्ते आणि ग्रामस्थांनी विशेष परिश्रम घेतले. परिसरातील नागरिकांकडून या स्तुत्य उपक्रमाचे अत्यंत कौतुक होत आहे.