🔥 TRENDING NIELIT Launches NCCDFI 2026 in Delhi;... भोर तालुक्यातील कापूरहोळमध्ये वीर धारा... ଗୃହହୀନଙ୍କୁ ପକ୍କା ଘର ଯୋଗାଣ ପାଇଁ ନୂଆ ଅଭି... अलवर थानागाजी में बाघ के दिखने से लोगो... ତିର୍ତ୍ତୋଲ ବିଧାୟକଙ୍କୁ ବନ୍ଧୁକ ଦେଖାଇ ଧମକ... Delhi AQI drops 77 points but experts...
16 Nov 2026•
ગુજરાતી मराठी ਪੰਜਾਬੀ বাংলা
Politics

ନଭେମ୍ବର ୧୮ ତାରିଖରୁ କମ୍ପିବ ବିଧାନସଭା, ଆରମ୍ଭ ହେବ ଶୀତକାଳୀନ ଅଧିବେଶନ

✍️ Reporter: Deepak Mahapatra 🗓 16 Nov 2026, 11:35 AM 👁 15
Share: 💬 WhatsApp 📘 Facebook 𝕏 Post
ଭୁବନେଶ୍ୱର : ଆସନ୍ତା ନଭେମ୍ବର ୧୮ ତାରିଖରୁଓଡ଼ିଶା ବିଧାନସଭାର ଶୀତକାଳୀନ ଅଧିବେଶନ ଆରମ୍ଭ ହେବ। ଏହି ଅଧିବେଶନ ନଭେମ୍ବର ୧୮ରୁ ଆରମ୍ଭ ହୋଇ ଡିସେମ୍ବର ୩୧ ପର୍ଯ୍ୟନ୍ତ ଚାଲିବ। ପ୍ରଥମ ଦିନ (ନଭେମ୍ବର ୧୮)ରେ ୨୦୨୬-୨୭ ଆର୍ଥିକ ବର୍ଷ ପାଇଁ ମୁଖ୍ୟମନ୍ତ୍ରୀ ଅତିରିକ୍ତ ବଜେଟ୍ ଆଗତ କରିବେ। ନଭେମ୍ବର ୩୦ ତାରିଖରେ ଅତିରିକ୍ତ ବ୍ୟୟମଞ୍ଜୁରୀ ବିଲ୍ ଆସିବ ।
ଏଥର ବନ୍ୟା ରାଜନୀତି ନେଇଶୀତ ଅଧିବେଶନରେ ବିଧାନସଭା କମ୍ପିବ । ଗଞ୍ଜାମର ପ୍ରଳୟଙ୍କାରୀ ବନ୍ୟାକୁ ନେଇ ସରକାରଙ୍କୁ ଘେରିବେ ବିରୋଧୀ ଦଳ । ଉଭୟ ବିଜେଡି ଓ କଂଗ୍ରେସ ଆଗାମୀ ଅଧିବେଶନ ଆରମ୍ଭରୁ ହିଁ ଏହାକୁ ବଡ଼ ପ୍ରସଙ୍ଗ କରିବାକୁ ପ୍ରସ୍ତୁତ ରହିଛନ୍ତି । ଏପରିକି ବିଧାନସଭା ବାହାରେ ବି ବଡ଼ ବିକ୍ଷୋଭ କରିବା ଯୋଜନାରେ ଅଛନ୍ତି ବିରୋଧୀ ଦଳ । ପ୍ରଥମ ଦିନରୁ ହିଁ ବିଧାନସଭା କମ୍ପାଇବାକୁ ବିରୋଧୀ ଦଳ ଶକ୍ତ ପ୍ରସଙ୍ଗ ନେଇ ଅପେକ୍ଷା କରିଛନ୍ତି ।
ଗତ ମୌସୁମୀ ଅଧିବେଶନ ଏମଏମଡିଆର ଆଇନ ସଂଶୋଧନ ଓ ପାଠ୍ୟପୁସ୍ତକ ତ୍ରୁଟି ଝଡ଼ରେ ଉଡ଼ିଯାଇଥିଲା । ଗୋଟିଏ ବି ଦିନ ପୂର୍ଣ୍ଣାଙ୍ଗ ଆଲୋଚନା ହୋଇପାରିନଥିଲା । ତେବେ ଶୀତ ଅଧିବେଶନରେ ବିରୋଧୀ ଦଳ ବନ୍ୟା ଓ କୋଟିଆ ଭଳି ତାଜା ପ୍ରସଙ୍ଗକୁ ଜୋରଦାର ଭାବେ ଉଠାଇବା ସମ୍ଭାବନା ରହିଛି । ଶାସକ ଦଳ ମଧ୍ୟ ଏସବୁ ପ୍ରସଙ୍ଗରେ ପୂର୍ବ ସରକାରଙ୍କ ଦୋଷ ତ୍ରୁଟିକୁ ନେଇ ପାଲଟା ଆକ୍ରମଣ କରିବା ମୁଡ୍‌ରେ ରହିଛନ୍ତି ଅର୍ଥାତ୍‌ ଉଭୟ ପଟୁ ଆରୋପ-ପ୍ରତ୍ୟାରୋପ ରାଜନୀତି ସରଗରମ ରହିପାରେ ।
ବିଧାନସଭା ପାଇଁ ଆସନ୍ତା ୧୭ରେ ହିଁ ସବୁ ଦଳ ନିଜର ରଣନୀତି ବିଧିବଦ୍ଧ ଭାବେ ପ୍ରସ୍ତୁତ କରିବେ । ୧୭ ତାରିଖରେ ବିଜେପି ବିଧାୟକ ଦଳ ବୈଠକ ବସିବ ବୋଲି ସୂଚନା ରହିଛି । ବିରୋଧୀ ଦଳଙ୍କୁ କେମିତି ମୁକାବିଲା କରାଯିବ ସେନେଇ ମୁଖ୍ୟମନ୍ତ୍ରୀ ଓ ବିଜେପି ରାଜ୍ୟ ସଭାପତି ବିଧାୟକମାନଙ୍କୁ ଗୁରୁ ମନ୍ତ୍ର ଦେବେ ।
ସେହିପରି ରାଜ୍ୟର ପ୍ରମୁଖ ପ୍ରସଙ୍ଗ ନେଇ ଦୃଢ଼ ପ୍ରତିବାଦ ଉଠାଇବା ପାଇଁ ବିଜେଡି ବିଧାୟକମାନଙ୍କୁ ପରାମର୍ଶ ଦେବେ ବିରୋଧୀ ଦଳ ନେତା ନବୀନ ପଟ୍ଟନାୟକ । ବିରୋଧୀ ଦଳ ଉପନେତା ପ୍ରସନ୍ନ ଆଚାର୍ଯ୍ୟ କହିଛନ୍ତି, ରାଜ୍ୟ ସ୍ୱାର୍ଥ ସହ ଜଡ଼ିତ ସମସ୍ତ ପ୍ରମୁଖ ପ୍ରସଙ୍ଗକୁ ଗୃହରେ ବିରୋଧୀ ଦଳ ଉପସ୍ଥାପନ କରିବ । କଂଗ୍ରେସ ବିଧାୟକ ଦଳ ମଧ୍ୟ ୧୭ରେ ବସିବ ବୋଲି ବିଧାୟକ ଦଳ ନେତା ରାମଚନ୍ଦ୍ର କାଡାମ ସୂଚନା ଦେଇଛନ୍ତି ।
📲Get App